新一輯《美女廚房》終於來了，預計將於今年6月2日就有得睇。節目名都有得你叫「美女廚房」，想當然有美女、有廚房也有煮食環節。今輯節目由蕭正楠、張振朗以及林盛斌做主持，而今日（4月21日）2位主持及高海寧、鄧佩儀在商場中舉行《美女廚房》美女學徒招募行動。出席的19名美少女各色各樣都有。
現場所見，真係吸引咗過百龍友到場拍照。他們的目標除了高海寧及鄧佩儀之外，當然還有一眾美女學徒。當中以1號Elsie Chan、7號Crystal Law、8號Haley Chan、11號Karen Law以及19號Lokyii 最靚最多龍友圍住影相。特別是19號的Lokyii樂宜，連主持之一的阿Bob都讚佢靚，試食環節2位主持更說：「佢已經贏咗。」活動結束後，現場全部龍友更圍住Lokyii樂宜影相，可見其威力。
