女到中年, 搵男朋友真係咁難?

呢排成日見到呢度唔少中女話好難搵到男朋友. 又話"只係"想搵個正正常常, 樣貌收入中等, 無不良嗜好既男人, 但都係搵唔到, 唔明點解. 其實, 答案都係不離果三樣.

1. 你既要求離地, 無視"市面上"仍然單身但又想結婚既男人, 點解仲係單身.
2. 你無正視你自身既條件唔match你既要求.
3. 你無行動.

事實上, 一個"正正常常, 樣貌收入中等, 無不良嗜好既男人", 在一個以三字頭女性的擇偶市場上, 並非"屈就", 乃是"筍盤".

先講要求離地. 以三字頭的適婚女仕來睇, 去到月入十萬, 有車有樓果啲所謂"筍盤", 除非你自問係超靚女超有身材果種, 否則佢鍾意你你都唔會考慮 (正如一個月入二萬既男人, 唔會走去追baby一樣). 另一邊, 唔好話少過香港收入中位數, 就算係中位數果批, 一個月入一萬四千七既男人, 係唔會有能力結婚買樓 (除非靠父蔭). 既然係"中位數", 即係話, 咁樣已經至少篩走大約一半適婚男人.

條件太好既唔會啋你 (係都揀二字頭), 條件太差既你唔會啋佢 (無經濟能力結婚), 拍緊拖既都唔會啋你, 果度已經講緊一大半人. 再扣埋有不良嗜好, 唔想結婚, 結過婚, 只係想搵SP, 賣保險, 騙財騙色既騙子, 外表太差, 住得太遠, 工作太忙, 性格不好, 生活習慣相差太遠, 要同奶奶住等等等等......之後, 你認為, "市面上"仲會有幾多個"正正常常, 樣貌收入中等, 無不良嗜好既男人"可以俾你揀? (已經未計最基本果樣, 你同佢係要"識"既)

中女, 特別係自問都算係"正正常常, 而且幾靚"果班, 成日覺得只不過係一個"正正常常"既男人都已經算係屈就, 但你諗真啲就會明, 呢班男人對你嚟講, 並非屈就, 乃是筍盤.

因為覺得屈就, 就會衍生出第二個問題: 覺得自己既問題唔係問題.

我見過有中女咁講, 我都只不過係肥啫, 無其他問題, 唔明點解搵唔到. 無錯, 呢個世界, 唔係個個討厭肥, 但鍾意偏瘦係主流, 呢個係現實. 正如有人話, 我都只係一定要搵番教徒啫, 無其他要求. 但相比起非教徒, 呢個世界仲有幾多個單身教徒可以俾你揀? 你硬係要令自己脫離主流擇偶條件既一群, 咁最後變得難搵, 係好合情合理既事.

又或者, 正常地, 一個女仔去到三字頭, 身邊差唔多年齡既男仔, 好既大部份都已經俾人mark晒. 剩番落嚟既, 大把二字尾既女仔爭住要. 如果你仲要係覺得搵個四字頭既男人係"屈就", 咁你覺得難搵, 又有何出奇?

當你去到三字頭, 但你仲係用緊二字頭既標準去揀男朋友, 除非你個外表仲可以扮二字中, 二字尾, 否則, 難搵係好正常既結果. 如果你仲想要埋果啲"正正常常, 樣貌收入中等, 無不良嗜好既"但只係大你幾年既男人, well, 咁你唯有繼續呃自己, 只係緣份未到.

一個正正常常, 樣貌收入中等, 無不良嗜好既男人
洗撚要中女咩 要溝都溝啲後生啲架啦

https://youtu.be/8yCvgmxQKd4

呢條片完全說明

中女


非處，ＥＸ都最少３，４個啦
趕生仔趕結婚好似趕尾班車咁
世面見得多唔一定識人情世故，但點搵著數永遠最叻
外表，男女一樣都會想搵個健康青春嫁啦

正正經經溝野鴨

正正經經溝隻鴨，溝咩仔？？，溝咩仔？？

講得太好！

大家年紀又差唔多
又要要求人有車有樓
我有車有樓駛撚揀個三十幾咩

會明樓主講的 就唔會變剩女啦

其實剩咪剩 剩男又好剩女又好 到老大家可能係同一間老人院碰面

諗定一隻廢老tinder 等呢一代老左就出
廢老無咩做實好多錢課金

到老仲諗交配咩 有心都冇力啦

呢個時勢仲要求有物有乜先拍拖其實可以準備單身一世

真心港女好難養
因為佢地旨意男人買樓養，所以基本上係唔會點儲錢，平時大花筒不單止，一有假就飛，然後又想揾人陪佢飛，好似唔使錢咁。到左三十歲都打左幾年工，但係都係儲唔到錢，淨係想揾碼頭泊。