2）人往往被肉體肉身局限住，會老會身體差，每日都要有足夠睡眠同休息，有心無力，就算意志好強既人都會想傾向偷懶同休息，唔能夠non-stop keep住學習/工作
3）所有人類既終點都係死亡，無一幸免，而死亡就會有痛苦同無奈，生於世上，死於痛苦，一開始細細個個陣好易開心，人越大越難快樂，個傾向係一日比一日差，越大越廢，身體差，靈魂智慧有增長但難以快樂。
4）西方耶教話一開始人就有罪，相信一個神，人會曬時間番教會，深信同接受神帶俾人既考驗，但有個陷阱係人會疏視左我地被囚禁既事實，享受被囚禁
5）東方信自然定律、環境同人既關係，但其實環境地球先係囚禁我地既地方，就環境而言，地球好似呢個宇宙中既綠洲，人類暫時都搵唔到其他星球有生物同外星人，但其實係被隔絕左，唔能夠搵到同更高次元既生命溝通；就人體而言，人好難先適應到重力，例如高山症，唔好話坐太空船、光速、甚至水壓都難適應。完美證明人一離開左陸地越耐，精神同肉體越容易崩潰。
5）心智系統，我地被人打左一下面會痛會憤怒同唔開心，聽到音樂容易被影響心情，現代都有學說同心理學證明到NLP心理技巧可以影響到一個人既決定，人類容易被影響同改變，再者，一句句子同唔同既小朋友講，有d會好信，有d會懷疑，靈魂既唔同但心智系統/反應被設定大同小異。
6）被囚禁既人類，肉身是器皿，靈魂是本體，但每個靈魂都逃不過電網，死後回收本源再輪迴學做人，人類從一出身已經不斷從失敗中學習，但幾成功幾有錢既人都一定或多或少有缺點，無人會完美。有錢不會被無錢更快樂，無錢可以夠食夠住，內心富足知足常樂，有錢則慾望無窮無盡，而且有錢有權人就極易被逼或者傾向腐敗，但人既壽命係有限，有錢/無錢既人一樣會有死個一日。
7）人類容易被任何事物浪費時間，這座地球行星監獄的目的是要把靈魂永遠拘留在地球。通過靈魂彼此間之物慾、性慾、美學、神秘學、無知、迷信和戰爭…作為誘餌，削弱具有反抗能力的人口。
8）人類有七情六慾，極受情緒影響決定，理智個一面亦會容易被情緒所主宰，引致政府判決同裁定都有極大漏洞同主觀思考，人類社會既法律同制度只係用黎改善人類主觀下引致既不公平不公正既情況。
9）人需要付出大量時間做無意義既事，食飽痾屎，有病要睇醫生食藥同休息，睡眠。現代人信金錢，金錢奴隸，日日營營伇伇為兩餐為居所，特別在香港這個地方，好少人番工真係為興趣同埋幫其他人過得好d既意義，只利益行先。人與人之間好多時只會有利益同目的行先。
10）人類社會既體制、經濟體系向壞既方向發展緊，世界上99%既財富掌握在1%既人手中，貧富懸殊，資本主義既體制下人係相對自私，地球內既人類只可以係環境影響/資源短缺既情況下先有可能實現到共產主義，就連人類種族歧視、內戰都會發生，故此國與國人與人之間只會不斷掠奪資源同好處。
11）人既記憶好奇妙，不但容易被篡改，老左容易唔記得野，就好似要準備輪迴清洗記憶再重新學做人一樣。前世做唔好既野今世要再面對同改善咁。
12）開心既係，自盤古初開石器時代人係不斷進步，係失敗錯誤中學習同醒覺，但人類既一生好似係為左繁殖被輪迴既靈魂之後又輪迴黎過，不斷被囚禁在肉身，到底係為左昇華人類更接近完美，直到可以靈魂被提/離開到依個地球，定係只係要人類係地球內服無期徒刑。
根據以下網址，太多論點同觀點證明地球越黎越似監獄
http://non-mainstream-research.blogspot.hk/2014/03/blog-post_24.html?m=1
歡迎補充或者推翻我既觀點，我其實都唔希望地球監獄論係真事
明明地球咁美好人類都可以將佢地變成監獄