召集多位脫髮L

求介紹 我睇有人留言睇左3次皮膚科 都甩

你亂試洗頭水因住仲傷

我屋企附近啲中醫有啲廢 有無好介紹

唔好俾錢班醫生賺啦 班仆街拖症嫁

我有個中醫睇開 tg? josh787 唔係度開名喇

再試下早d瞓 10點左右 壞習慣要改好難
肝腎虛都有脫髮問題

你平時洗頭日日洗?洗完唔吹頭瞓? 每次洗完頭去水位多唔多頭髮卡住?

加上你又減肥 晚餐又唔食 又似營養不足 平時飲食重口味? 多鹽好咸? 食甜品甜嘢多?

甩頭髮真係有勁多原因 要每樣試去搵出原因 飲食習慣都好重要

我有遂個check個成份架 當你咁既情況...你就想乜都想試下 咁我又唔係亂咁試既 我朋友去台灣送支無牌子既生髮水比我...我無用到...生薑洗髮水又用過 通常用洗髮水有薄荷個種感覺都唔方好野

上次睇個醫生 佢睇兩眼就話我雄禿 收左我6舊 講啲野又叫我等死咁 我勁想喊個陣

男人藥黎，女人唔可以亂食

唉 飲食真係好難戒 出去食飯邊啲唔油膩 由其同朋友出去佢地食野 煎炸野難避免 有時大時大節 一餐半餐放題都唔係好過份姐 佢地通常食譚仔 但我戒左m記好耐 我好食得辣 我都戒 肉類我只掂雞胸肉..可能減肥有加劇到啦 我唔係日日洗既 基本出街一定洗 我係鍾意重口味既野 又成日飲涷野.. 我頭先食豆腐花都唔落糖 我咁食人地又係咁食 點解我會甩頭髮喎

睇普通醫生，叫佢俾封轉介信你去公立醫院

由18歲個年 我feel到自己新陳代謝慢左 啲頭髮好難留得長 生得慢 然後好易笠 我岩岩買支箭頭 之前用佢真係生得快啲 而家睇下會唔會

早餐食KFC喎 飲幾多豆漿都唔夠啦下話

一次半一次食餐勁唔係問題 平時盡量清淡d 少汁少甜少鹽少油 每日早餐晚餐生果點都要食少少嘢

想減肥唔係叫你唔食嘢 係食得健康d 要有營養 飲凍嘢唔做運動根本死罪 幾時見健康嘅人會脫髮問題?

成日覺得人哋咁食 自己又係咁 點解人無事我有事 凡事唔好睇表面
人哋早瞓 三餐定時 多菜少肉 吸收夠維他命又有無話你知呀

食藥唔係無用 但都要靠自己配合 天生係咁就另計

加上好地地減乜鬼肥 見人減又跟住減?

如果你係雄禿基因勸你乜都唔洗諗保唔保住毛囊、植髮等等 因為保到生返出黎啲髮質都係軟弱乾旱 要唔要都吧
勸你疊埋心水成世帶假髮

咁樣好咩？ 真係無得救？基因問題就放棄治療？

從圖你頭髮好油

無架喇 救得返都係生幼毛 對你形象都無任何改善 一樣咁柒
利申：屋企家姐都有雄禿

你家姐試盡任何方法？無制止過？飲食食大豆異黃酮抑制dht有無試過？你講下佢用下啲咩方法。係可能無救 亦都有可能有其他方法 我都想試

係 我好易出油 有得揀 我寧願乾性

試下用shishedo洗頭水
我用過咁多隻覺得佢係最好
同埋keep到成日都乾爽

btw我都有脫髮問題
我覺得係之前減肥不當搞到咁
我睇過中醫 又食過藥丸 都冇乜好轉
但依家比起岩岩發現果陣情況好番d
非專業同100%肯定
但我察覺到我日常keep番減肥前食米飯既份量係會生多d頭髮
同夜訓真係致命點 會秒減髮量&頭髮變幼

上網睇人講廣華個胡東流好似ok
我都打算睇下佢

乜都做過
你覺得食乜大豆可以扭轉到基因咩？太睇少基因嘅可怕性 唔信你可以試下 當買個希望
只可以答你 如果你真係因為dht原因導致脫髮你就做乜都哂錢哂心機 最多比你頭髮吊多幾年命

將來幾年後你會諗起我咁講過

建議唔好亂試西藥因為類固醇只會短期有效之後仲難救
如果你話頭髮好易油 咁應該係因為頭油導致脫髮 我原本都唔知 但上年都試過 去左間專護理頭髮嘅店先知 但廢時開名俾人話係打手 總之每日都要洗頭 早過12點訓 如果夜訓會容易出油 夜訓嘅話第二朝要洗頭 2-3日洗枕頭袋 每日洗毛巾 記住吹乾頭 唔好up住 用乾淨的梳

因為試過所以見到咁慘的人都想幫下 之前上網睇嘅好多都錯的資料 所以網上嘅方法唔好亂試 希望幫到你啦
尤其都係女仔所以明把頭髮有幾重要 想知多啲再問都ok

Dht 雄禿脫髮另一個名咪係溢脂性頭皮炎喇 當然係頭油過多倒塞毛囊健康

雖然唔排除佢係雄禿 但女仔較少有 女仔頭頂甩得多都唔一定係嘅 我之前都試過咁 雖無咁集中但都甩好多 但係之後發現唔係雄禿 其實真係要用儀器先照得出頭皮狀況同甩頭髮原因

睇你咁講似係好多原因加埋所以甩頭髮。
一來減肥可能本身營養唔夠，二來月經不調似係荷爾蒙失調，都可以導致脫髮問題。如果你有壓力問題呀夜訓等等就更加嚴重。 揾個中醫睇下調理下身體先啦