術數宗教，你問我答。（２）

小弟係一名術數師，平時有研究開八字斗數風水易經，對於靈異法科都有一定認識，希望可以係度同大家交流下有關玄學既睇法，或者解答下坊間對於玄學既誤解。

上個ＰＯＳＴ如果有問題留低左而我答唔到既，歡迎再留多次。

另外想問一下大師 貪嗔癡既癡係指咩？

貪，貪欲，見靚女就想溝，見好野就想食，靚衫就想買，拜神求姻緣求橫財，想擁有呢種欲望，無節制
嗔，怨恨，憤怒，妒忌，報復心
癡，無智慧去開悟，覺得做乜都無後果，我就係主宰
慢，傲慢，比較心睇唔起人
疑，猜忌，懷疑，疑神疑鬼

韓國總統冇一個有善終 有傳係青瓦台嘅風水問題出左事 巴打有冇咩見解睇法

冇。但係你聽佢講搵巫師又搞巫術人祭咁，如果是真既話，再大既福報都抵擋唔住無邊既業力。

坊間好多出名嘅風水書作者 例如蘇生 麥小姐 李生 等等 佢哋每年都會去西藏 話係去吸收靈氣 之後再去寫書 吸靈氣係流定堅 咁佢哋嘅書內容同西藏嘅密宗佛教有冇關係

修行有無具體少少描述。例如入世，紅塵練心，面向眾生。出世，閉關修煉。
或者mix?
或者其他方法？

其實六道的眾生係咪都係住係同一維度
差在人睇唔到咁多野
只見到畜 或者有d見到陰人 又有d可以見到仙

佛已超脫六道 佢個識係咪已滅
所以實見唔到

靈氣我覺得真係流
d 符號似係亂作

吸靈氣是堅，但呢種唔是一種正確的修行方式，因為修行著重修心，能量只係附帶而唔重要既野。

冇關係，好多人學密都鐘意扯上西藏，實際上藏密只係密法其中一個大本營，事實上藏傳佛教有一半都是顯宗。

最基本，持戒先，持戒，生定，精進，智慧。可惜既係持戒已經將百分之99有志修行之人擋於門外。

唔是，我地住緊既世界只有人/鬼/畜生三道而已。天人/阿修羅/地獄道都唔係娑婆世界。

佛係已經圓滿。例如你修淨土，願力修行足夠既話當你死既時候就會有阿彌陀佛黎接引你去極樂世界。所以佢願意的話可以無處不在。

樓主點睇後天精神病 (如抑鬱症)? 有病既人如果心不由己, 係咪會因而影響現世修行?

斗數有無星曜組合容易招惹到靈界?

動物入左畜生道無法修行, 點先可以上返上三道?

靈氣唔是流，有人對能量敏感或者有天賦既話係可以見到「氣」，或者所謂「法」既狀態。例如中國神話龍係行雲布雨，而呢個的確係事實，只係唔是係呢個空間進行而已。

持戒真是一條漫長路，茹素三年多，正在進行中的是，戒口業，先戒粗口，但好易被環境影響，不自覺講粗口
亦想戒批評別人

可能真的要禁語

咁個d 人玩點化，畫符個d 真係堅架咩

精神病無論先天後天，都係冤親債主討債既惡果。
是的，你認為你既仇人會唔會俾你咁易得道？

有的，例如貪狼是擴張，加上空劫就是空靈方面的擴張，所以貪狼見空劫既人先天較容易接觸宗教空靈既事物。如果再加上貪狼化忌代表異化，再加上天巫代表傳承，呢d野加加埋埋，就會特別與法界眾生有緣。

有，動物修行成精好多，只係人身修行得天獨厚，所以人身難得，如果唔是都唔會咁多精/鬼/怪想借人身修行。

修行是難，修佛可以唔識佛教經典，只要佢做到以上四點，一樣是修行。修行是行科唔是理論科，要身體力行。

堅的，但係香港好多玩靈氣/修法既人，水平都好參差。

印度有啲苦行僧，永遠舉起隻右手

今日報紙見到

修行途上，會遇上不少魔難。《西遊記》描述唐僧取經，便要面對許多妖魔鬼怪，還有九九八十一難。「魔」不同「難」。先說「難」字，造字本義是讓猛禽啄食而死，引申為酷刑，或綑綁受刑者。如今一般所說的「難」，包括艱難、困苦或災厄。次說「魔」字。甲骨文不見有「魔」，金文的「魔」與現今的漢字差不多，「鬼」是形符，「麻」是聲符。「魔」似鬼且比一般鬼怪更厲害，或可說是惡鬼，用來比喻邪惡勢力。

對於修行的「魔」，這個「魔」也可解作「磨」，《說文》謂「磨，石聲也」。造字本義，上面的「麻」代表粗糙；下面的「石」指石盤，說的是兩塊鑿有交錯麻點的石盤組成石具，可令食物由粗變細。而修行途上，無一不是苦難的磨練，有所謂「無魔不成道，無難不成佛」。道教講「魔」，有魔考，又稱魔試，「考」就是考驗。

孟子說：「天將降大任於斯人也，必先苦其心志，勞其筋骨，餓其體膚，空乏其身，行拂亂其所為，所以動心忍性，增益其所不能。」看來儒釋道所面對的魔難都類似，需要接受考驗，以觀察其志。再設置金錢、名利、美色等試煉，以審察其德。若無志無德，自無資格問津聖賢仙佛。

總而言之，魔難考試，以種種陷阱迷惑人心，或以種種惡毒磨礪人身，重重關卡，有的能順利通過，但大多半途而廢，除非是發大願心才能克服。道教對所有這些修行障礙，歸結為「十魔九難」。

所謂「十魔」，即六賊魔、富魔、貴魔、六情魔、恩愛魔、患難魔、聖賢魔、刀兵魔、女樂魔、女色魔。「十魔」又可大分為三種：一是身外見在，二是夢中見在，三是內觀見在。六賊魔與六根有關，諸如舌好甘味，鼻好異香，或意氣洋洋；富魔是追求奢華生活，滿堂金玉；貴魔是想做大官，出人頭地。至於其他魔障，大可意會，不用細說了。

再看「九難」，即衣食逼迫、尊長邀攔、恩愛牽纏、名利索絆、災禍橫生、盲師約束、議論差別、志意懈怠、歲月蹉跎。較難明白的也許是「尊長邀攔」，指的是當凡人背負宿緣或是重業，須於今世償還，因而有時要養育父母或受長輩阻攔，難得忙裏偷閒修行。

依佛家所說，今世人的心性，受歷世業力影響，而魔難主要來自惡業，因此今世須積善立德才容易轉化之。今人則喜談負能量，相信魔難也與負能量有關。依易學的陰陽理論，人身就是一個太極，有陽有陰，陽為正，陰為邪，正邪交集，善惡全繫一心。一念之間，或正或邪。而一切魔難，全由逆增上緣而來，所謂陰神發動，千方百計都要拉你下水。修行者要持戒，逆增上緣便想方設法要你破戒；若想辟穀，逆增上緣或以香味引誘。

當然，魔難的多少，也要看每個人的福緣。福緣深厚的，較易化解；福緣淺薄的，路途艱險，通過佛家說的六度波羅密，即「布施、持戒、忍辱、精進、禪定、般若」，好好體會吧！

因為只係介紹我識既而又信既野。世上法門何其多，當中只要引領你明白諸行無常，諸法無我，寂靜涅槃既就是正法嚕。

有邊d 法科師傅有料到？
夾帶係咪真係養鬼仔？