預料中既第7，難得上到咁高名次，點都打返d感想，希望巴打唔好介意
當初公佈灼熱少女+琴葉上位活動果陣都知道個激烈程度會係史無前例地高，果陣都只係諗住盡力打，始終中間要去台灣，我又冇可能為左打活動而放棄去live既，其實最初set既底線只係2000名，目標就頭100，因為以前未衝過MLTD，諗住拎到4星琴葉就滿足。
事前準備係需要既，因為岩岩轉公司，除左星期一朝早我係冇假可以請，為左令自己可以專心打event，上星期開始就盡量將手頭工作全部做完先，就算要OT都要做。活動期間亦plan好每日只訓4-5個鐘，所以上星期開始已經開始要自己習慣5點半起身，始終一再訓返就隨時冇左寶貴既時間。
唯一意料之外既係花既石頭數，最初只係準備左4單，但係頭果日都知道一定唔夠洗，就一直追加追加再追加，自己有能力課，所以我唔想為左錢依樣野而放棄今次活動。
個planning一開始都順利既，打左幾日之後仲直情發現自己一個都上到前半戰頭10，個心就雄左，淨係頭100都滿足唔到我架喇。但去到台灣之後，可能舟車勞頓又要專心睇live，去到酒店直情斷左幾次片，所以特別多謝含巴同大野巴既幫助，冇你地靠我自己一個最尾肯定上唔到頭10。
再次多謝咁多位巴打既支持同包容，仲願意幫我整殘廢餐，我都明白難得跟到咁多位去台灣都仲一直對住電話係好失禮既事，係度講聲抱歉。
總結少少今次8日活動既成果同數據：
PLv: 103->228
Rank: B->SS
琴葉fans數: 5,000->300,000
燒石數: 13.5單
燒石數問我就梗係肉赤，但係ML黎計琴葉就係我唯一既擔當，同埋都已經等左佢成年，所以唔會為此後悔，去到最尾亦對得住自己活動前要盡力既承諾。最後最後如果大家願意既話，我會搵時間整返張琴葉卡片派比大家既。
MLTD既事暫時告一段落，係時候將目光放返CG總選舉，全力支持五十嵐響子
。
