三個女人一個因(7）求足本版 推到智雯拎視后

其實我都有link with自己的童年同工作生活when watching the drama

btw, 當受到精神傷害，無論身、心都應該離開施虐者

如果係工作方面，我覺得離開係okay
但始終戈個係媽媽

因因可以係媽媽坦白感受係好好
如果佢媽媽仍然唔識反省
咁就真係應該離開
始終個傷害真係好大

其實我都係 尤其係今晚個集因因同20年前嘅自己講你已經做得好好個度真係眼濕濕

細細個時阿媽要求好高 堅係有因因媽一半咁恐怖
到宜家咁大個都好 幼稚園唯一印象就係阿媽嫌我寫個l字寫得唔夠直 刷到張紙穿我喊晒都好都要重寫
小學就算已經覺得自己好乖好努力溫書考全班頭三名 但係阿媽總係會攞我同人比
“你睇下隔離屋阿邊個邊個幾乖幾聽話 讀書幾叻”

個時係我人生記憶中最唔開心嘅時候
夜晚一個人會匿喺個被度喊 又會諗如果自己有勇氣開咗個窗跳咗落去 係咪就唔洗再比人鬧再同人比 不斷係度諗唔同嘅死法邊種最容易
係學校為咗想考好啲會忍唔住一次又一次出貓

好彩大個咗少少之後 阿媽開始冇跟得咁緊
自己又開始多咗其他唔同嘅興趣 慢慢先少咗呢啲念頭
自己都好想攬住嗰時嘅自己 同自己講唔好喊你已經做得好好

不過同樣地都好明白因因
睇落好有自信 其實好在意人地嘅睇法
自己好愛媽媽好重視佢認唔認同自己 偏偏媽媽就係對自己最mean個嗰 好似無論自己幾努力幾俾心機都好 阿媽偏偏只睇睇到旁人嘅好留意唔到自己
如果係其他人都還可以忽視佢地 偏偏個嗰就係自己最緊要嘅媽媽 只好一次又一次忍氣吞聲 俾人鬧都好都默默咁吞晒落肚

希望因因媽同因因最後都可以明白對方啦

Sorry for 1999

睇完絲打段嘢我諗返起小學嗰陣阿媽成日話「考第一嗰個乜乜乜」,明明我已經好努力先考到第二, 搞到我細個就壓力大到每次考試嗰排都肚痾甚至失眠, 而家就怕咗温書唔到final唔温

仲要連我跌親都可以當街鬧我唔睇路, 依啲嘢搞到我而家大個都有啲自卑

所以我尋晚睇完都好有感覺, 唉大家共勉啦

我細個都成日俾人話“你有呀邊個一半就好！”

果陣唔敢出聲，只可以自己返入房係個心到反駁佢“有佢一半咪就唔合格咯，佢得果90分，一半連50分都冇！”
跟住細細聲喊。
喊大聲d都會俾人罵話，話你兩句就喊。

入房果陣關門扯風d風搞到道門好大力咁閂左，下一秒就捉返我出去打話我係咪唔順氣發脾氣，解釋係大風都唔理打左再算

有時大人真係好過分而佢地仲覺得自己好岩

大個左講返，佢地都唔肯認自己有咁屈過我。仲起晒鋼咁話係我記錯。

我覺得利記同因因媽真係演活到果種，覺得細路仔係冇記憶既，以前做過既野唔洗負責既大人。

“細路仔d記憶唔可以作準” 呢句真係聽一次冷笑一次。

一樣感受。其實老師、同學、朋友、同事、姨媽姑姐都會認同我讀書好，但係點解唯獨我最想得到認同嗰個唔係咁諗？日日鬧我。唔好嘅話就話我做的唔好，好嘅話就話我做得唔夠。我都嘗試好似因因琴晚最尾咁反抗過，知唔知結果係乜？「我生咗你出黎，為你犧牲咗咁多，點解你可以咁忤逆！？我為你好咋！如果唔係為咗你，我好大成就啦！（下刪一萬字）」見到佢大滴大滴嘅淚水，我可以點？儘管事實係啲朋友話我超級孝順，我係佢眼中永遠係迕逆。其實有時我會諗，如果我係機械人、冇感覺、冇思想，淨係執行佢嘅order，我係咪會好過啲。

到你真係好似最後果句咁就又可能會嫌你冷漠無情

仆街，真係唔講

呢套hit過盲俠未？

盲俠我覺得已經好好睇 2套不相伯仲

仆街，真係唔講

唔講咩？

收視...

其實Easy 咁對因因係咩心態？係因為要將奶奶嘅惡言惡語發洩番喺因因？怨因因令自己冇得跳舞要對佢報復？ 純粹對佢要求太高太怪獸？定係Easy 本身都有心理病？ 明明因因10 歲生日時同爸爸媽媽切蛋糕慶祝好開心架喎...