大家點睇SHK屯門景峰新盤，御半山，山山?

對山山既感覺係
1.睇番另外二個御字頭,管理費一定貴
2.貴管理費但養個細到形同虛設既會所
3.交通只屬尚可,巴士夾唔到市區工作地點,晚晚收工就要轉二程入西鐵再坐到尾二個站再等輕鐵再無遮蔽下行八分鐘,睇字都攰
4.迷你開放式廚房.
5.SHK新樓從來無水位,即使他日升都只係大市升,但你既升幅會嚴重跑輸.

唔好忘記呢個位係成個TM最差既位.放租放售都係講LOCATION,呢個位即使做到一Q清唔多唔少都係發展商既按撳條款幫忙同埋周街廣告,但到你賣走既時出去自然無晒呢D因素,要吸引人唯一就只係價錢,如果唔係非上車不可同時又真係要用二按既話,寧買聚康或者疊茵,同埋加息己成事實風向變緊,加二里息呢個因素唔足以推林個市.但個人覺得樓市升幅點都會放媛橫行一陣,唔係叫想買既巴打唔好買,但諗清楚自己想要咩.

巴打講得岩 呢個位置認真麻麻，自住如果住開屯門既都仲可以，如果想租出口回報一定唔大，而呢個勢，如果真係要買都千其唔好用呼吸plan，總知量力而為啦

SHK非常醒的，避開情感角度

早兩年良德街，由於中國經濟差，市況唔好
南豐開出「豐連」只是9000蚊一呎，同一條街shk「珀御」話開售唔開售

一年之後，開13000以上一呎，快速賣曬
雷霆係地產定價上係無敵

係，引申出黎，你鐘唔鐘意都好
shk定價就是市價，只有接唔接受

14000/呎的確係現在18區最平

咁新地玩緊乜呢?
耍左大半個月花招

各位巴打，如果買來收租，買沙田中心或河畔定御半山好？

買市區單幢一開幾好過

山山到時又要抽到豬閪咁

屯門居民來說，有置業需要的話其實抵買，可以返娘家食晚飯或者你父母幫忙湊仔女

屯門堆惡劣舊樓都賣緊11000蚊呎，此類二手買唔落手。

新樓易按揭上車，資產主義年代，除非貨幣政策有幅收緊，否則仲有幾年玩

樓市hater係好多，07年唱衰到2018。到最後睇自己有冇買樓需要。

四大地產商極高持貨力，可以收起唔買

近排環球股市氣氛唔好，佢地主力推豪宅，等多排經濟明朗返自然賣得更貴

雷霆賣樓招式最吸客，yoho係佢成名作。中五畢業做到大班，好有料

咁堅?

即係山山好大機會係雷總柯打hold住唔賣

住宅及商住發展方面，當中有新地（016）去年為旗下屯門兆康第54區商住項目完成逾65.3億元補地價，為近6年以來最大宗私人住宅補地價項目，項目獲批14座20至30層高的分層住宅，涉及樓面面積227.1萬方呎，非住宅樓面面積5.2萬方呎。翻查資料，發展商早前表示將興建中小型單位。以項目的住宅樓面計算，料可興建約3,500個中小型住宅，單位數量與同系深水埗南昌站匯璽所有期數總和相若。

買半山前唸唸，遲啲附近有更好既供應

其實發展商開完呢度，再開海榮路，咁第二期就會晾起個價，如果第一張價單抽到一定賺

係 如果抽中真係賺到唔少