打機暈浪有原因　畫面愈真愈大鑊

打機打到有頭暈作嘔感覺，原來與畫面太逼真有關。

每當有新遊戲發售，不少「機迷」也會變身成勇者、獵人投入虛擬世界，和同伴一起踏上新大陸、肩負起拯救世界的任務。不過眼睛長時間盯着像真度極高的3D遊戲畫面，有人會感頭暈、頭痛、想嘔，身體的不適令宏大的冒險之旅不得不稍作暫停，令人掃興。有眼科專科醫生解釋，打機出現這種不適情況，背後原理其實和暈車浪相似，而且畫面「愈真愈大鑊」！

打機時看着3D畫面會頭暈作嘔，有人將此稱作「3D眩暈症」，但原來在醫學上亦有根據，屬眩暈症一種，而且不算罕見。眼科專科醫生葉佩珮指，約25%至40%人在玩電子遊戲期間，會出現不同程度的眩暈症狀，包括作嘔、作悶，甚至頭暈、頭痛 。

導致眩暈的原因，是中耳內處理平衡及空間感的前庭系統和視覺系統收集到的資訊不一致，落差令大腦感覺「唔對路」而啟動保護機制，令人出現不適感。葉醫生以同屬眩暈症的暈車浪作例，指因前庭系統收集到身體在搖晃的訊息，但視覺上看到的畫面並無搖晃，因而令保護機制啟動。玩3D遊戲時，情況恰好相反，視覺上有搖晃感，但身體卻是靜止，保護機制亦同樣會啟動。

學生梁小姐指，自己試過打機時出現頭暈不適的情況，會睡覺休息紓緩症狀。

全文：
http://hk.on.cc/hk/bkn/cnt/news/20180331/bkn-20180331060023032-0331_00822_001.html

有人打機會眩暈，但也有人能長時間對着3D畫面「奮戰」，葉醫生指原因與個人體質有關，年長者、未習慣3D畫面的人，或是太累、易緊張的人也較易出現眩暈，有嚴重斜視、立體感及平衡力較差的人亦然。

除了體質，遊戲系統也有影響，葉醫生指，遊戲畫面設計得愈複雜、細緻，加上大畫面，出現眩暈的機會愈大：「因為我哋嘅大腦分唔到呢個場面究竟係真定係假，所以解像度愈高，或者愈真實，就愈易有問題。」另外以第一身作視角的遊戲，例如動作、射擊等，情況就更為普遍。

呢個真

李同學指，自己未試過打機時感不適，但聽過朋友有此情況。

開開心心玩遊戲，當然不想頭暈收場。網上有人教路，在熒幕上方兩角貼上紙張，可減低導致眩暈的機會，而葉醫生也指做法可行：「其實可以做一啲設計，例如喺個熒幕周圍擺返啲定位嘅(靜止)物品，畀個大腦知其實唔係好似虛擬情況咁。」

在熒幕周圍擺放靜止物作定位，可令大腦知道虛擬畫面而非真實。

如無可避免地出現眩暈症狀，葉醫生建議先暫停虛擬影像，望向靜態、遙遠的地方，或慢行一段距離，甚至閉目養神。不過，長時間玩電子遊戲當然對眼睛有害，她提醒每遊戲20分鐘，就要稍作休息，遊戲時也要有充足的光線、和熒幕保持適當距離，而6至12歲小童因前庭和視覺系統未完全發展，則不太適合玩此類遊戲。

在熒幕上方兩角貼上紙張，有助減低眩暈的機會。

渣ga

pay day 暈撚到仆街

當年玩halflife2 玩一陣就頭暈。買完返黎都打唔爆.

我打minecraft 會暈

agger

玩cs會暈

我連Mario Kart 啲嘢衝過來嗰陣都有啲嘔心嘅感覺

打Titanfall 3 打15分鐘就暈到嘔 ， d畫面太真

唔暈

我完全玩唔到3d 第一身game,尤其係槍game 暈到傻

最新隻 far cry 5 打到想嘔

去環球玩親機動遊戲都暈
望住個mon...Chok 住咁 轉來轉去

渣ga

入setting 視覺角度較 90 或者 120 會好好多

咁多第一身射擊中我暫時淨係玩far cry 5唔會頭暈

入畫面選項校下field of view就唔會暈

FPS完全玩唔到, 會作嘔作悶, 以前落網吧D朋友打CS, rainbow six, 我淨係可以自己玩AOE

之前打pubg 汁完野人都未見已經想嘔

唔好話打機
任何3D電影都唔睇得
Fast and Furious 呢啲大動作片全部都會暈

想冇咁易暈，買三個mon，視野闊啲就大大改善

我有少少

其實好慘 一堆射擊game 唔想玩