開心速遞（66）狂賀收視創新高 x 送水輝又做返鴨？/踢走垃圾賓穎主題曲

我唔係想開火頭 只係想remind返 d編劇技倆，黑完又白 白完又黑je

由手勢舞到今時今日 見盡勢態炎涼 每pair cp總有高低潮 觀眾們見高就拜 見低就踩 睇到心痛 我不如做醜人 每pair都撐算 今日安bon 難保他日可能係其他pair出事

仲記得果陣全個post pair pair都撐 日日推post希望到邊pair跳手勢舞 果陣係幾開心

等咗咁耐終於等到萬眾期待嘅博士呻醋記
部份cap圖及gif多謝KFC巴打同eggsybb巴打提供 無限感激

由見到Jacky開始 博士嘅眼神就開始變 眉頭深鎖咁 視線幾乎全程冇離開過情敵
(大小姐介紹完博士之後即刻不屑樣 好正 )


情敵見面 份外眼紅 對方仲要宣戰


博士視線依然冇離開過Jacky 個個散開哂都繼續望 其實眼甘甘望住人嗰個係博士
人哋一走咗即劇捉實Mandy嚟問 就算Mandy話Jacky係gay都明顯唔信
話說大小姐真係好錫Mandy 秘書搬屋親身去埋(雖然係想拆散人哋 ) 仲叫埋自己細佬去幫手


個飯盒我就唔識欣賞 不過可能博士覺得係Mandy整嘅都靚啦


點知係情敵整嘅 博士個樣即刻變哂
Mandy一臉期待博士快啲開口講同居
(要頒返個最佳連戲獎俾Mandy條珠鏈 )


知情敵已經同女朋友過咗一晚 緊張到差啲面容扭曲


完美演繹妒忌中的咬牙切齒


露咩啊 博士激動到耳仔都紅哂


聽到有個男人無啦啦彈結他俾自己女朋友聽嗰種震驚同激動
好彩博士拎住嘅係羹唔係刀
博士瞪到對眼好大


我都未同Mandy挨住瞓過 完全生無可戀樣

「我唔理！」
呷緊醋嘅男人真係成個小朋友咁 不過好可愛


聽到Mandy真係信哂Jacky係gay完全唔驚 博士驚到嘴都震埋 微表情好評


妒火中燒嘅男人需要一杯凍檸茶壓下啲妒火 鯨吞咗成杯凍飲會唔會頭痛
見到博思終於識呷醋識緊張自己而暗自歡喜嘅Mandy
其實我都好開心睇到博士為Mandy嘅轉變


飲完凍嘢都唔夠壓住啲妒火 左望右望繼續搵嘢飲 最後要飲多杯熱嘅 仲飲到倒瀉哂
博士應該係第一次咁激動
Mandy期待嘅眼神 完美表現同居心切 同居同居


終於叫壓到啲啲妒火 可以正常講嘢 本身仲其實其實咗陣都講唔到
點知博士係話自己唔應該咁敏感 Mandy即刻由期待變到好失落 嗰聲「吓」聲都變埋
其實應該係博士聽到Mandy叫自己唔好咁敏感所以先逼自己唔好太敏感(但眼神完全唔係冇嘢 嬲到冇焦點)
不過女人心理嘅嘢


仲搵枝羹去切舊唔需要切嘅嘢 切到飛咗出嚟 呷醋呷到失去理智

返到嚟見到Jacky做瑜珈又呆哂 緊張到係咁叫Mandy坐低但自己係跪喺度講(睇睇下張圖cap到好似Mandy有咗博士緊張咁 )
背心長褲都叫著得少 博士嘅道德標準就嚟同小娟一樣
Mandy終於守得雲開見月明


Mandy話Jacky話咁著會自在啲 博士驚慌樣：會咩
見到Jacky著住條孖煙通周圍走 博士理智終於崩解
Gay都係男人 何況我唔覺得佢係Gay!!!


終於忍唔住講出口要同居 見到Mandy冇應佢驚Mandy唔想仲緊張過Mandy
Mandy即刻甜笑 好溫柔好靚
博士即刻開心返 仲一晚都唔想俾Mandy同其他男人住
再三叮囑Mandy要鎖好門 以前都係博士對Mandy愛理不理 今次終於到Mandy送都唔願走
以前喺醫院照顧阿水Mandy要走都冇乜反應 係俾Mandy望多兩眼先叫Mandy返到去打電話俾佢 但由秦博思VS龍力蓮嗰集開始都係博士主動叫Mandy要打返俾佢
見到佢哋一路行到嚟依家真係好感動

其實大小姐又講得啱 做男朋友嚟講博士真係尚有進步空間
不過見到博士都越嚟越進步 今集簡直進步神速 果然都係要刺激下
Mandy春心蕩漾樣 博士做嘅所有嘢都可以令到Mandy心花怒放
(其實大小姐先係真愛 聽到博士帶Mandy上飛鵝山仲激動過博士聽到Jacky對Mandy露...兩手 )


Mandy好女朋友 幾驚編劇寫會繼續玩落去又招黑
大小姐表示恨鐵不成鋼


睇樓都要sweet sweet

表情又同步

博香情敵線一切回復正常 博士終於放鬆返個人
博士針對大小姐嘅「會咩」同頭先針對Jacky嘅「會咩」完全兩個語氣
幾時都話大小姐先係博士最大情敵 Mandy已經成為龍力蓮教盲目級信徒


不過博士真係要爭氣啲 情敵一轉target就鬆懈哂 掛住恥笑最大情敵大小姐
雖然博香同居應該都不遠矣



最後奉上情敵眼神圖
btw支持Mandy青梅竹馬快啲出場等博士提高下啲危機感
再被動落去可能Mandy真係會忍唔住買花買戒指向博士求婚


祝博香繼續sweet sweet

呢度變咗好多

終於打完
今次係主線 圖好多要執好耐
原來連登回覆唔可以超過2500字 所以分咗幾次post 請大家見諒

原來用匙羹切野笑撚死

你今次又講得幾啱
唔通真係好似今集讀白咁，只要做錯左一次就返唔到轉頭？

多謝兔巴高質劇評
真係睇得好仔細

今次分析認真同詳細過之前最強小三同愛在我心，辛苦哂

我反而諗起 食神 同呢首歌
https://youtu.be/ZVHQTwNQq-g

多謝兔巴嘅高質分析 ，辛苦你啦

愛戀沒經驗, 今天初發現

咁都要睇係犯咩錯、犯咗幾多次錯、做錯之後有無悔意嫁
唔係話你做錯咗道歉人地就一定要受，有啲錯可以被原諒，有啲唔得

多謝大家欣賞
睇返都覺得好長

係啦 我覺得其實有弦外之音 編劇應該係想講俾d觀眾聽(可能知之前玩大左)

見倒啲留言正負皮真係忍唔住笑

要記住我地只係觀眾 唔係判官 何況呢套係輕鬆處景劇 唔係真人show呀 走去人格批判

大家都唔好咁上心

我本身都唔想應你，但見到呢句真嬲

安邦拍手勢舞個陣Bonnie 未偷七靚叉身份，未屈安仔係變態咪多人撐囉。
依家條線出咗了，安邦劇內一啲都唔甜，一啲都唔好睇咪多人倒戈唔再撐囉。 你有無睇過咁多位巴絲一直以嚟講過嘅野啊？淨係選擇性失明，bonnie 做過嘅衰野就唔理，其他角色有差錯就拎出嚟瘋狂鞭屍。

仲有，有人做錯野我地唔可以批評咩 ？ 處景劇有觀眾睇，佢就可以傳遞啲價值觀比人。依家佢出個道德上犯咗錯嘅角色，仲要有個角色去不分是非對錯，盲目去維護佢，你覺得咁樣無問題？

唔怪得香港近幾年變成咁，多得你唔少啊

KFC巴似乎暗示緊呢到變差咗？

多咗人睇自然多人入嚟，變係必然。
唔通個post 日日都係得個幾個人圍爐，講同一樣嘅意見，盲目吹捧自己鍾意嘅角色、批評自己唔鍾意嘅角色係好事？

- 易俾人影響

- 鍾意做道德判官

- 將自己果套套落人度

- 咩都反左先

呢類香港人核心劣等價值咪從你言論中反映到囉

唔怪得香港近幾年變成咁啦