[長文劇透]小談翻生武林

10 回覆
26 Like 6 Dislike
2018-04-02 13:18:34
翻生武林真係好高質,搵個機會講一下自己見解,順便幫連登仔重溫佳作



只屬香港嘅近代預言
翻生武林著力影射依家香港政治狀況,留低巨大想像空間。對媒體作品而言,只要非過度解讀,觀眾嘅想像都會成為作品一部分。然而相較於呼應2018嘅今日,翻生武林更似一部近代預言。

當中20年前朝庭曾嘗試清剿港人,一次武裝衝突鳳陽大戰之後,中央朝庭喺武林人仕雲集嘅香港實施「禁武令」、「英雄名冊」同「恩賜丹」制度。以維護國家安全為由,褫奪港人「武功」為實。究竟何謂鳳陽大戰?即使2016魚蛋亦只被定性為騷亂,繼續思考的話,只會發現哩場大戰就係香港將來最後一次武裝衝突。而翻生武林,正係50年後嘅香港。於想像力之下借古鑑今,以古代描繪將來,兩者嘅反差與共鳴正係翻生武林嘅動人之處。



香港人嘅武功
繼續想像,咁何為香港人嘅武功?香港即是為武林,武林即是為武林人仕雲集之地。武林人仕就是為衷於練武之人,以武功為長,更以武功為自豪。左膠少少咁講,香港人所自豪嘅武功,唔一定係磚頭與暴力,但會係對自由同理想嘅追求。「禁武令」唔只係對本土派嘅門禁,更係23條,令我地失去精神上嘅最後一分自由。以武功對應理想,以身段呼應精神,為一套TVB 劇集更添三分詩意。

統治香港嘅皇上,早想剿滅香港人。適逢人大提倡憲,令習近平喺劇集開播之前正式稱帝,劇中比喻不言而喻。連皇帝登基都成為微博敏感詞,黎明全日愛都隨時要禁播嘅今日,翻生武林仲可以出街只係時來運到,曇花一現。與此同時,劇集已經取得階段性成果,初步預言成功。





維穩抑或本土
到結局之前,我一直覺得翻生武林只係激進維穩劇,只求開心不求甚解。編劇喺前期一直明報式敘事,兩派各打五十大板甚至抹黑本土派。例如將港獨者暗指成中「毒」嘅武林中人,再由特首提督仇不群釋出善意解毒。但不論編劇於乜背景之下將本土派妖魔化,作品仍指出癥結不在人民。玉雲龍解過港毒,抗過黑警東廠,打過假民主任我飛,都救唔到香港。到最後,關鍵角色仇不群,向香港人交出一個現實嘅答案:普善真經推崇嘅和理非解決唔到問題,左膠救唔到港,唯有殺死狗皇帝先可以。

正因哩個答案,我能夠斷言翻生武林係一部本土作品。進而當代入武林做香港果陣,就會發現本劇嘅正名就係光復香港。如果我地要做真男人保家衛港,於當下反對皇上,喺十年之內我地會被打成反動份子,狗都不如嘅叛港賊,甚至阿海一樣以死鳴志。但如Doris所講總有一日,在位者會還完歷史真相。





大台劇組嘅武功
最後睇返第一集,玉雲龍究竟係乜水?佢由一開始幫東廠說書維穩,到最後對雞蛋講故仔。好明顯地,其實佢就係TVB 每一位劇組人員,而翻生武林就係一份自白,對自己奮起守護香港嘅現實暇想。佢地真正嘅武功唔係參政鬥法開網台,而係為高牆下嘅「雞蛋」守護文代上的一塊本土,拍好每一套講廣東話嘅劇集。正如大台最近本土作品歸位,無論係誇世代抑或翻生武林,大台嘅人員已經重執自己武功,唔再收錢吞化功丸。可能成套劇嘅核心,就係每一位連登仔,都有屬於自己嘅武功。


最後再最後,幾部TVB本土味劇集都叫好不叫座,我最希望係喺度同本土媒體創作人講一聲加油
2018-04-02 15:03:33
睇個陣覺得係膠劇
點知
2018-04-02 15:04:43
2018-04-02 15:20:57
有人識野
2018-04-02 15:36:36
殺咗狗皇帝之後,太子登基明朝繼續
我覺得其實都係咁
走咗一個人 但個大制度、環境依舊
2018-04-02 15:38:02
不過蛋嗰part我幾同意
2018-04-03 01:07:21
硬係覺得好似中文DSE咁
過份解讀本身既原意
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞