首先講一講特色先，隻game係一隻中世紀為背景既open world遊戲，玩家可以自由探索整個地圖同npc互動，再詳細既大家google都搵到好多簡介，大家有興趣再去睇都得。值得一提既隻game係非常之hardcore，冇得自由save，特定劇情，用道具先比save，製藥，開鎖，磨刀全部係要一步一步手動黎做，e.g.save藥要落紅酒，煲藥，磨粉，全部都要手動去做。升高左lv先可以自動生產。一開始同人打交，連個醉酒大叔都打唔贏，一伸隻手入去偷人野就比人發現。
玩game怕麻煩，想玩得爽既玩家就可以唔洗諗呢隻game，但係接受到既話反而會令你更代入呢個世界，因為你本身就係一個日日都訓到死乜都唔識既廢青主角，見到角色慢慢成長係非常之開心。
隻game open world幾好玩，夠高自由度，可以偷野開鎖刺殺，可以正面隻抽，口才高9up耍佢又得，玩賤偷哂佢d裝等佢空裝再打又得，落毒毒死佢或者毒到敵人冇耐力又得
戰鬥系統似騎砍，可以係6個角度攻擊同防禦，基本上冇得開無雙1打3已經好吃力
劇情代入感唔錯，先前提到既細節會令你似活在中世紀咁，故事係會根據你選擇而有唔同，你偷哂隊友npc既衫褲武器既話，佢遲下打仗真係會著睡衣拳頭出去打。
裝備衣服係一層層咁著，又底衫著到甲都係分開可以遂件換，冷兵器愛好者必玩
美中不足係幾多bugs，不過念在30人開發團隊仲要用cry engine呢個高開發難度既engine整。希望遲下佢會慢慢修復番。
音樂都係稍為有缺陷，打仗果陣既音樂冇乜戰爭感，但平常既bgm都係唔錯既。
最後，大家有性趣玩既最好就買黎玩支持下佢地制作團隊啦，1516既話我聽講好似有開心版試下先，鐘意畫可以等佢遲下有折減價再買都得。
