唔夾所以分手，但又唔捨得所以再一齊番

同男朋友一齊兩年，但其實一齊左半年已經知道好多野都夾唔到，好多時佢做既野我都理解唔到，簡單啲黎講就係價值觀差太遠。
每次講完話會改，三日唔埋兩日又打回原形。
佢最鍾意就係做錯事之後扮無事，走去做第二樣野，以為我會自己消氣。
每一次都係自己忍，真係唔知可以忍到幾時，一星期至少嘈幾次，真係好攰。
其實大家都愛大家，想有未來，但唔夾真係好辛苦。
係咪應該長痛不如短痛？

因為你冇諗過你自己都有問題， 一尾要人改 ，其實人地都好難頂得順你

仲以為識嘅朋友開post……老實講依家拍拖已經夾唔到，結婚之後更加唔會忽然間夾到

唔知以為我開post

聽埋先，太多野好難打哂出黎。
要佢改佢係佢自己都覺得有問題既地方
例如嗌嗌下交自己走左去，件事根本未解決同未傾完。由得我自己係到喊，第二日就whatsapp 一句：你可唔可以原諒我既過錯？就想完左件事
每次都係咁

我真係明，但大家仲鍾意對方，係點樣分到手

咁你會點做

其實如果你不捨得 那就不要逼自己
等到那一天 你覺得太累了 你自己自然捨得分了

去到最後都會覺得太攰而分手
兩個人性格、價值觀唔夾真係好難走到落去
拍拖係求開心幸福，而唔係令自己增加煩惱
就算大家都唔捨得一直拖拉落去，去左最後可能因為一次既爭執令大家連朋友都無得做。

如果你真係有心想同佢繼續一齊，大家就要為段感情共同付出，因為愛就要互相包容及理解對方，令大家都知道對方為自己付出好多而更加珍惜對方。

世上無絕對完美既情侶，只有唔夠愛既情人

要等到心淡嗰一日，中間都唔知要經歷幾多次失望同心痛

其實如果你不捨得 那就不要逼自己
等到那一天 你覺得太累了 你自己自然捨得分了

要等到心淡嗰一日，中間都唔知要經歷幾多次失望同心痛

一個人訴說着自己有些事情放不下，很痛苦。於是，和尚給他一個茶杯，叫他握着。然後，和尚便把熱水倒進茶杯裏，熱水溢出燙到了他的手。他一痛，便放手。和尚便告訴他：「世界上沒有放不下的事，痛，就會自然放手。」身體痛楚如是，愛情傷痛也如是。

好岩

我都未知

其實男人只係想就你 先認錯 話自己有問題。 可能真係有 但你自己都一定有問題但你唔肯認 仲要人改呢樣個樣 其實係咪你太公主病呢？ 拍拖係2個人遷就 唔係另一個就哂你。 你想男朋友係你理想既咁，但眼前個個唔係 你都可以改下自己mindset 。 你都係唔好拍拖把啦 唔會有男人頂得你順

其實講到尾 一係認識唔夠 一係有野令佢接受唔到 而唔係咁愛你。

無話覺得自己無問題，我自己都改左好多，容忍力大左好多。你都識講係要兩個人互相遷就，而家感覺只係我自己一個人努力。佢就得把口講，公平咩

其實我都成日覺得佢唔夠愛我，如果佢夠愛，其實係咪唔會以同一個原因傷害我咁多次
最抵死就係我話佢淨係愛自己，係一個好自私既人，佢都認

受精即飛

乜野

好有同感
同女朋友都係咁
好愛對方但好似拍拖拍到好攰咁

最初係為咩事嗌交

好恐怖 好似見到自己開post咁

灑脫d 之前同ex拍左二年半都係咁 到真係分手都預左 我都無留住佢 雖然分左後大半年都想一齊反 因為都有keep住whatsapp 得閒食飯 但每次諗到一齊反咪又係唔開心過...加上ex比我理智 佢知我想一齊反 佢都拒絕過話唔會有結果 做朋友就得 當係一種回憶啦 過下自己既生活都好好

我之前同你一樣 又係大家唔夾
次次都係我講分手
可能因為佢係我初戀
所以次次我都唔捨得 要喺翻埋一齊
不過到最後 我終於頂唔順
先至同佢分到手

我覺得依家只不過係時間嘅問題
相處唔嚟就會大家越走越遠
刻意一齊只會唔開心
咁拍拖嚟做乜
分手啦 無謂浪費大家時間