唔知有無巴絲有入場睇今次《29+1》既re-run呢？
係出面搵唔到有關呢個舞台劇既post，就由我黎開啦！
我本身唔算係彭秀慧既Fans，但四年前機緣巧合之下第一次睇左佢既獨腳戲《Tiffany》，
覺得佢描寫女人既心理好好睇，由其是對廿幾三十幾既女性黎講可謂拳拳到肉。
上年睇左《29+1》既電影版，一開始以為係女人戲，但睇完覺得好有驚喜
覺得呢個劇本可以講到不論男女快將30歲，開始面對人生另一個階段既迷惘同埋難過。
（周秀娜講親情果部份，直情令我喊到收唔到聲
）今次睇完舞台劇，我覺得比到我更加多空間去思考。
我都係鐘意由彭秀慧自己做返自己既劇本多D，唔知大家點睇？
