（直播）比人放飛機之一個人係冰島遊盪

好chur喎 日日都早出晚歸咁

好多時間搭車姐

夏季去日照時間好長好抵玩
有時會凌晨都仲未天黑

頂你

基本上係冇天黑

要自己渣車先玩到咁夜
好想夏天去一次環島

我好記得有晚失眠，望住個天全黑咗唔夠一個鐘又光返

當年exchange個天唔會黑晒，凌晨踩單車周圍遊蕩

呢幾日已經離開左冰島
所以update 得有啲懶
雖然唔係直播 但我都會up番曬呢五日冰島既行程

之後係會去埋荷蘭比利時同盧森堡先番香港
我都諗緊打唔打埋冰島以外既行程
如果你地有興趣我有時間就再打啦
因為一番香港就會忙到仆街

講番冰島先
南岸一日遊中
我最鐘意既景點就係Jokulsarlon lagoon
類似咁串啦 因為冰島文我真係去完都唔係好分到啲地方名
呢個湖真係令我哇左一聲
好好彩導遊帶左我地去一個都幾多冰既地方

係最高處望住啲冰跟住水流咁湧埋岸
再好似板塊移動咁啲冰碰撞既kalakala聲
仲要後面有個太陽照埋黎
媽呀 就算睇唔到極光
呢個景都值番曬


有種高處凝望世界流動既感覺
雖然手機影啲相真係好柒
不過呢個景係會一世難忘

有車牌會平幾多??

先唔講錢，冰島自己揸車見到好多靚景/馬/羊群/建築，都會即刻搵路去或者停係路肩去影相，個爽度都差好遠。

利申，一程車停幾十次

對盧森堡好有興趣

想問如果1-3月去
係咪北邊 如米湖。去唔到??

另 如果1-3月 係咪都有飛機去greenland?

冇朋友識俄文 一個人去到咪口同鼻講

留名

應該去到呀
我見有米湖tour全年都開, 不過係Akureyri出發

另問 宜家巴士遊 係咪已經冇得環島??

另外, 冰島有咩活動一定跟tour. even自駕遊?
ice cave?
冰川健行?
攀冰?

其他嗰啲如藍冰湖 係咪自駕都會經過玩到?

無錯 同埋跟tour要趕行程
不過我一個人就冇得揀

盧森堡都幾正
又近又細好快可以行完
同埋最鐘意啲有歷史故事
有軍事古蹟既地方

其實有tour係環島團黎
包住包交通咁 但個啲十日團勁貴
不過有fd試過好彩join小巴 tour冇其他人
得自己朋友咁樣包晒一架車
就可以同司機自己傾行程
隨時停又得 不過佢地係去到冰島tourist centre度搵
唔同上網報個啲大團黎

Ice cave 藍冰 健行 潛水 騎馬 攀冰 火山tour都好似要join tour
因為一定要有人帶住 同埋借裝備
不過自駕去目的地會平啲

前年聖誕去左8日 , 真係好正 冰島
遲下plan 下再去過先

等樓主打盧森堡遊記，
我返香港前都想去一次

想問下 如果去到當地先報團 得唔得
會唔會報唔切?

當地報 會唔會平 一早網上報?

thank

係啦
我望過下啲團
好似大部份都要你自己去目的地
pickup 就要加幾百港紙咁

冬季去 同 夏季去 有咩活動上嘅分別