「即管笑」想喺香港做日文敎師要有咩資格？

是咁的。我現在讀緊N2，7月都會考埋N2 JLPT。咁我讀日文目的就係因為想做日文教師，咁就plan緊可能今年10月或下年四月報長沼日本語學校，又或者可能會直接去報日文教師嘅專門學校。但問題就嚟，我喺香港只係叫做讀完大專，當我即使我成功讀完日文教師課程，返到香港要搵日文學校請，其實難唔難？始終無讀大學
我知道係有少少白痴, 但我真係想知道日文教師要有咩資格, 應該點預備之類。

你諗下你係日文學校老細會唔會請個外人而唔請自己畢業生？
如果佢請外人教即係承認佢自己教既學生唔掂？

有識人做緊
佢係做緊個間度學
但佢日文唔勁

應該要有n1同果個日本語教師資格
不過我個老師係研究日文到碩士 講最尾應該都係學歷
但你目標係係邊度教同咩對象先？中小學生興趣班果啲可能得個n1,2都夠做

如果話我想留學之後，返我香港本身讀個間做，機會大唔大？

想起碼做到一個常規教師，可以的話，能夠教到N2就最好啦

冇咁既水平真係唔好去害人
為人師表唔係咁簡單
如果你有心的話

我老師係三大畢業去左日本東大讀3年phd 漢學研究 返黎教日文

會過去呀，我都唔想誤人子弟

現在所做都係為做日文老師而作準備，我都唔希望自己會誤人子弟，害人同時又玩自己

你同學校d先生同staff熟既咪大

純粹考到N1係唔夠
學上面巴打話齋，你至少要係日本做過2年野，了解日本人文化先。
做語言教師，除左講得流利同文法運用唔會錯之外，你仲要make sure發音、咬字、重音、高低音係標準。唔係既話就會好似搵個大陸人教鬼佬講廣東話咁。
而去讀語言學校再考埋個N1並唔代表你講同運用可以好高Lv。呢d野要浸返黎。

除此之外，你仲要了解當地文化，唔係淨係人地有咩節日會講咩說話同食乜野做乜野慶祝咁，而係書入面學唔到既日常生活用語你都要明白。如果唔係，學生接觸到問起你，你唔識答或者鳩答，就誤人子弟。
舉個例，就好似鬼佬搵你學廣東話，佢可能會問你咩叫「瀨野」咁既情況。

不過如果你打算淨係教人50音咁就無野了。


利申: N1 pass，係日本做緊野，口語唔好，做得好辛苦

最低：n1 + 日本語教師資格

實際上冇浸幾年根本冇用

n2都未pass就已經諗做老師
其實就算有n1都唔夠用啦

有考過N1都知JLPT得啖笑
有N1既聾啞人士多到你唔信

要有教人既資格始終要係果邊生活過講得到native既日文再加學位以上先掂, 唔係既話你都冇信心可以同班在港日本人, 海龜同讀CUHK/shitty日研班人爭飯食

留學係必須

巴打依家近況如何 可唔可以講下，小弟都有興喺呢方面發展但同巴打情況差唔多

七月考N1。打算下年過去。始終都要一步一步咁你

巴打介唔介意私下交流下，小弟都係打算下年過去，想請教下心得
唔該哂
https://t.me/royhui25

有目標先有機會成功嘅
巴打係將個目標放得遠嘅姐

上面都有巴打講留學係必須
一兩年都未必夠
我本身係香港讀咗兩年日文
去咗日本三年都覺得好多唔識

而家係日本讀緊u
順便讀緊日本語教育資格
呢個資格係大學、專門學校
同外面啲機構搞嘅講座都讀到
但係唔會用呢個資格搵食
諗住搵唔到工個陣用嚟做後備