求好用base+粉底+眼部concealer推介。我自己都拋磚引玉講下用過d咩product先
我係乾肌，鼻頭過左半日會出少少油（其實我相信香港天氣咁焗，個個都會出油啦）。冬天會有少少甩皮，不過我今年轉左精華之後就無甩啦。夏天就會有少少乾紋，鼻頭會出d油，暫時用Primavista都控制到。眼底都乾、眼紋就淺淺嘅1、2條，上妝乾得濟先會明顯同好似zip左d粉入去咁，黑眼圈都深。cheek位泛紅，無印唔多生暗瘡，係得個鼻+cheek位毛孔大左少少、因為d黑頭
base
Primavista：確實按油力不錯，我就唔可以全面上，因為會乾得濟
rmk透明base：嘩真係呢rmk好似搽完=無搽咁
，唔覺得有保濕，用左幾次就打左入冷宮。
lm：放棄左rmk後做完reearch先決定買，明顯上完妝自己都feel到無咁乾，但就無其他function。
concealer都用過/試過幾隻。
bonjour：中學雞開始用，開架黎講遮暇力唔錯，又平，cp值高。以前我一次過遮暗瘡同眼底都用佢，不過偏乾
canmake Cover & Stretch Concealer UV：又係中學雞個時買，平，有pa ++，比佢地嘅遮暇盤同bonjour無咁乾，質地比bonjour薄，所以遮暇力較低
cdp支stick：第一次出糧買黎送比自己，薄薄一層就遮到d暗瘡仔，遮眼底就真係太乾，同埋唔知點解遮完變灰色黑眼圈
究竟點解d人會大推呢隻而當年嘅我又會信
the balm 遮暇膏：因為係膏所以潤身dd，唔夠力遮我個黑眼圈。同埋樽野好快乾到裂左
lm secret concealer： 比the balm更加膏狀同潤d，最唔乾係呢隻，通常我會上2-3層，遮到7-8成黑眼圈，每次用份量都唔多，我用左2年都唔覺樽野乾左，所以都cum用
bobbi brown：呢個係去試妝，無買過所以唔知佢個名，個ba上corrector再上膏狀concealor，我望一望，嘩屌
仲厚過水泥，仲要出左 一 大 堆 眼紋！仲要個色又唔match！感覺仲衰過用廣告彩遮！所以我無買，二話不說就走左，個日仲要出街真係勁後悔去試
粉底呢......我真係無買過/試過，唔好意思比唔到意見大家。因為d ba通常都叫我base+碎粉就得，唔洗買粉底。宜家上左呢個post學左好多野，心郁郁想試下用粉底究竟係咩感覺，係咪真係可以好似廣告咁做到無暇肌膚
遮暇力偏低都唔緊要，最好唔乾就得
有諗過myv同addiction...唔知各位仲有無其他心水呢？
另外想買有調色效果嘅base ，遮下泛紅位同埋想tune下個面色。因為返工要捱夜，所以覺得自己塊面對比個身有d黃。而concealer就想睇下有無咩牌子再遮得好d同唔乾，定諗緊係咪要用corrector先可以再進一步（因為bb個次經歷真係對corrector零好感......
）
打左好長！多謝你地肯睇完！希望幫到大家！
同埋undercover上完幾個鐘後t字位會有少少浮粉 個鼻會出現白芝麻 
finish係semi-matte?
連頸d 千年老泥漬都捽得走
