網民挑戰窮遊極限　五千蚊日本玩五日？

港人熱愛旅遊，對收入有限，但又想出國玩的人來說，「窮遊」是一條出路。網民「窮人玩大富翁」在X登討論區發帖，問：「5天日本旅遊總洗費可唔可能低過$5000？」又稱同朋友難得夾到時間，但無奈「筆直」唔多，希望巴打可以教授「窮遊」心得。「隨風成對」表示，遊八日日本只用了$7000元，而「餓千前」稱遊東京十四日只用了$7600百元，「仲有錢買手信添呀」。

有網民表示有數得計，例出窮遊日本的基本洗費，「特平機票$700、酒店雙人房一晚$600(除開每人$300)，四晚共$1200，即係機票加酒店每人$1900，仲有$3100比你用五日」，再加上「15餐, 每餐$100, 都仲有每日 $100 搭車!」

有人道出重點「首先你要撲到平機票」，至於其他支出，「陳奕迅Fans 」就話:「其實旅行去日本洗費都唔算太貴，好多乜pass物pass買左可以任搭車，食野唔係食貴價餐廳嘅話，基本上都係四、五十蚊一餐，但好食過香港Ｎ倍。」

雖然「窮人玩大富翁」對巴打們的經驗感到非常勵志，但亦有人坦言:「去旅行去到咁度縮好冇癮」恥笑窮遊者「人又窮但又要學人威，學人去旅行」還說窮遊者：「被人洗哂腦，點窮都好係都要去旅行，唔去好似會死咁，香港人無錢窮遊係想影張機票擺上Facebook 。」

不過很多人認為，在外國，窮遊其實很普遍，「係香港先咁k型，旅行一定要豪飲豪食豪使之餘仲要話啲人窮遊傻的嗎！」，又指去旅遊每個人都有自己方法，「點解一定要跟你果套？係咪出門要搭business class先比出？」甚至有人認為去旅行是為了體驗，「用多過$5000真係傻的嗎仔嚟」。

試過6日日本都係洗左3000蚊
有食好野有日日轉地方行
無肚餓仲買埋玩具

不過豪有豪玩 平又平玩架姐其實

窮遊就住最平既HOSTEL啦

上次去東京大阪京都 8日7夜 都係洗左4000

幾時五千蚊五日都變咗窮遊，算中等價格 la wor，你去睇而家出面啲旅行社都係做緊呢個價

「餓千前」

當玩十日，平機票700 ，住9日， 平平地揾間150$～200 最好有包埋早餐 ，食飽d 當中午，晚上食1餐 當你80 ，500交通 , 去d唔洗錢的景點，可以就景點間連交通都唔洗 ,野就唔買（200+80)*9+700+500=3720

不過到玩咁，唔知為咩