【恐怖慎入】每晚望門孔，都見到隔離屋條女企門外對我詭異咁笑 2

係，兩粒痣
怪女已經喪心病狂，變成怪物咁樣
好多行為已經無法用常人角度理解
例如佢今次犯案，佢根本不認為係犯罪，只係搵返所愛
因而出現好多思考粗疏處，根本好多位都可以招致被拘捕嘅後果
而故事結局，亦暗示佢即將被發現

多謝支持
二部曲只會更好，保證

深夜追故，份外心寒

我想知個伏筆係咩

希望心寒之外，亦有一些體會帶得走！

「咦，哪裏不妥了？」

最後一句，亦即這個嗎？

令我諗起2002年一套叫《May》既電影，女主角最後為左條屍可以睇到野，拎自己對眼放入條拼好左既屍體度。到今時今日都好深刻。
期待第二三部！

原來有套咁嘅電影

感謝支持！

唔記得係咪now電影台
十幾年前成日重播
推介你睇
啱你口味

一定要睇睇 謝謝！

不過老實講，今次故事不是小弟最喜歡嘅類型

一路寫其實寫得不太快活（可能因為我都好討厭主角，純碎設定需要先寫得佢咁弱咁廢）

二部曲就係小弟最喜歡類型，會少啲懸疑，多啲奇幻，希望合大家胃口

夢巴故一路都冇超自然嘅，最多就係超大型犯罪組織超高科技.

第一次睇樓主嘅故，被一開始嘅懸疑感吸引，但睇到最尾係有多少失望嘅，講少少意見，希望樓主唔好介意

1.文筆
樓主文筆超好，用詞豐富，但因為故事以第一身創成嘅關係，我好難投入到故事內嘅廢青毒男居然喺描述事情經過嘅時候居然咁文皺皺，「彳亍」呢個詞起碼出過兩次。而之後嘅怪女都有類似情況。
日常生活少用嘅說話作第一身旁述實難令人投入。

2.我同意樓上有巴打講最後一篇用怪女內心世界做總結令故事跌watt。明白樓主覺得怪女嘅行為內心係構成整個故事嘅骨幹，但而家咁擺就令人有一種自圓其說嘅感覺，強行將所有嘢「make sense」。老實講，我覺得怪女嘅設定係吸引嘅，如果可以喺故事入面多少少蛛絲馬跡滲入去，等讀者估到多少少，甚或等主角揭穿（但咁樣就會變咗貞子嗰隻恐怖片，又好似有啲老土），成件事就容易接受啲。

暫時諗到係咁多，但不得不說樓主真係一個好用心嘅作者。希望快啲睇到第二、三部曲啦

下超自然架

超正 主角幾慘

第2點正正係我想講嘅...

之前幾個故都有一個共通點，最後係會透過一啲好故意嘅方法講返個真相出嚟，例如電車故嘅報告，大廈故嘅新聞，同埋今個故嘅怪女自白。
但怪女自白呢度就硬係差少少，癲同唔癲之間，癲又癲唔晒咁，好奇怪。

芷靜話夕彦唔妥
我以為會有下集講佢捉活人做實驗

感謝巴打意見

主角乜都唔知就死咗

預告咗第98次量度
單位故事已經寫很多了
下次故事會去到單位外進行
係截然不同嘅故事

怪女篇自白前面鋪多小小線索就好了

係呀

這非伏筆
箇中意義就留待讀者參透了
這句是重複了一次的

果然主角光環係怪女到

佢唔會有光環
下場唔會好

岩岩追完大廈個故
覺得好感動
Cancer個故事好慘