鍾意vs中意

嗱
學咗噉多年中文
我細細個就寫「鍾意」
鍾一字，可配鍾情，鍾愛等詞
但我就從來未聽過中愛，中情等詞

我認同有「中意」一詞，我喺網上某啲詞典搵到
但唔係解鍾意lor，而係正中下懷，中咗心中所想嘅意思lor
鍾意一詞應該係包含鍾愛、傾慕嘅成分，唔單止淨係中咗你所想。唔係嘅話「鍾意」呢個action/呢種感覺變得好兒嬉。

至於點解嘅多人用，我觀察到近年正有人開始將「鍾意」寫成「中意」，久而久之個個都咁寫，正搞成周街都係「中意」。

歡迎糾正同討論

鍾愛，鍾情都係呢個鍾

鍾意=喜歡
中意=啱心水?
但係啱心水同喜歡又要點分

其實中意個中先係正字嚟

「我中意佢」
= 我屬意佢

「我鍾意佢」
= 我喜歡佢

利申中文系 冇查過 純粹按語感分

中意係原字，鍾意係俗字

先回應你講中意=啱心水。啱心水純粹符合你所想，迎合心中所想。例如一啲事好稱心，你可以講中意。

而鍾意呢個概念唔單止係啱心水嘅意思，而且你本身對嗰件人/事/感覺展示愛慕或者嚮往，而非嗰件事單單合符你心意，所以你正會話喜歡、傾慕、鍾意。

舉個極端啲嘅例子，你鍾意條仔/女，但條仔/女成日做啲傷害你嘅事，噉但係你又鍾意佢。你唔會話呢種係中意，因為冇人想條仔/女對自己差，除非你m得好犀利

又舉另一極端例，你鍾意嘅男生/女生唔鍾意你，你依然鍾意佢。噉呢個行為重係中你心中所想咩。我哋喺呢個例子睇到，你對嗰位對象有前設嘅傾慕，正會做出/產生一啲超出個人喜惡嘅行為/愛慕。噉我會用「鍾意」嚟表達呢種感覺。

你可能會話，「噉嗰對象合符我心水，重唔係中意，樓主你都亂嚟」但你諗深一層，嗰份感情唔單止係中意噉簡單。當本包含你嘅付出，感受，各種又愛又恨嘅情感，林林總總。正因為噉你正會鍾意一個人，願意付出，而唔係單純中意。例如「情有獨鍾」。

加上鍾意就我見解通常係出於你對人嘅感覺，比較主動。而中意則解釋為件事迎合人嘅想法，比較被動。

所以我自己會噉釐定兩詞。

小弟詞窮，可能喺某啲位用言語解釋得唔清楚。
另外，如果有漏洞，請大家大方指出，我哋一齊討論。

我都有查過

我自己的確亦有噉嘅推斷

我睇法係比起「中意」，鍾意更能表達嗰種情感。所以呢幾年我見人打「中意」，我自己感到有啲怪。

學術台有個po講左呢個topic喇 根據個po中先啱

唔明有咩好討論 正如食辣野咁，有人覺得飲奶解到辣，有人則認為飲水就足夠。其實真係冇話邊個好啲，最終解到辣咪得。中也好、鍾也好，你覺得邊個啱自己多啲咪用囉

會唔會詞不達意

考試咩依架

中情 局