其實唔單係連登，PTT都係咁
我覺得創意方面，連登仔係比較優勝，可能自己都係香港人，鬼佬d幽默感真係唔太識欣賞
我係講緊留言嘅友善程度
連登就好鍾意想盡辦法令個留言變得串串貢，極盡啜核之能事，唔理關唔關標題事，總之就要抽擊樓主
我舉個例子方便大家明白
樓主:呢隻八哥跑步個樣好可愛啊
留言: 係
好似樓主老母跑過黎比我屌咁 
第二
就係好敏感
如果個人打左啲野，你回覆佢，問問題，有啲人會以為你串佢，唔知點解，可能同第一點有關，令到個人變得敏感
舉個例子
樓主:我想學唱歌，邊個channel教得好
留言1: 睇馮盈盈個channel lor，唱得幾好，同觀眾互動都足夠
留言2: 但個channel係教唱歌為主？
留言3:你老母，佢唔識教唱歌唔通你識教唱歌啊?
最後就係好鍾意批評人地個樣
有上開鍾意既球隊既sub reddit
佢地有時會影下自己睇波嘅自拍，同球星嘅自拍
or 買左新product，著上身比大家睇睇係點
啲留言都會好warm，睇完會覺得好開心，好正啊咁既感覺
但你睇下波台，潮流台，旅遊台，邊有人敢放自己個樣上黎，因為一定會比人狂笑
我其實都係想連登多d正能量，大家互助，係咪好難既一件事呢
以前高登都好warm，當然呢家連登都有，但我希望真係再多啲
