L點解知自己會死？

近排重睇死亡筆記，L死果集有d位唔係好明
點解L會同月講好快就分開
點解佢會估到月會殺佢咖

L自己寫點樣解決左月，同埋寫埋自己死

再重睇啦

因為作者要營造出L好撚醒
吹到佢神咁
一早知月係奇拿 連佢條jer仔有幾多條毛都清楚
只係冇實質証據

動畫版喎 有寫到咩

唔明點解月係雷姆,流克面前將筆記掉地

睇到就唔係度問啦

係人都會死，只係遲定早啫

佢1開始認定冇可能既殺人手法+冇任何證據但指定凶手
經已說明佢有凡人欠缺咁上帝視角編劇sense
而且佢知自己會死呢個第6感亦唔係第1次
佢之前用第6感sense到阿月同死神解約, 知阿月唔再係kira
又用第6感sense到阿月變返kira, 因為阿月掂返本deathnote
又用第6感sense到明明好努力幫自己查緊案既阿月, 下1步會借刀殺人靠死神黎殺自己

如果你想話L係以目前情況黎推理推出黎, 咁你就錯晒,
因為呢d sense由現象推理出結果, 卻冇任何前例&實證
低如5%機率既嫌疑, L都會為此而行動, 但上面d sense基本上發生率係0%

一開始個段咪有講L點樣鎖定到係夜神月. 唔算係0%掛

日本有咁多人
夜神月有5%既嫌擬已經算高

同埋作者好似講過 L一早認定左月係kira
L就算同月講幾多%嫌疑 其實都係100%

一開波即鎖定地區，再從奇拿殺人習慣改變隨即鎖定kira同警察有關其實已經好撚勁
如果夜神月一開波忍手無殺死假L，基本上L就會有排煩

唔係咁簡單...佢鎖定阿月經已係後期對策階段

早係各地異常殺人事件發生時, 僅1個共通點「心臟麻痺」
但L個結論係連環/有組織行兇&有目的殺人, 係0%實證既情況下
假想出「可能有兇手」然後先推出影片餌誘,
然後見證無法證明既隔空+指定殺人, 之後先發展到搵阿月
L有句對白係「我想知兇手個殺人手法究竟係點」
即係成件事由最初既最初開始, 並無任何隔空殺人既方法
佢經已違反左根據可能性黎行動呢點, 後尾雖然用科學精神追查至阿月
但成件事個前提就唔合理, 任L點樣博學+無限人力&物資
係未知曉死神存在既世界觀下, 根本冇超能力者&真‧超自然現象俾佢參照

講返阿月, 要避嫌+殺人, 真係容乜易...大把乾手淨腳對策
係唔劇透+第1次睇情況下, 佢可以有大把可能性, 利用大把野
但佢反面特登挑L機, 瘋狂show off係監視下照用筆記, 完全自負
從某幾個佢驚訝L查案既進度黎睇, 說明佢低估過L, 敵已輕
但有冇從中學習&進步...從佢郁FBI夫妻檔果度經已說明冇乜
而misa既登場簡直係張好牌, 但阿月耐性低, 亦唔識有效利用死神之眼
與魅上相遇, 但又唔知做乜特登整個drama出黎想陰人陰到俾人反殺
阿月iq係高...但EQ(表面上完全自律, 實際上急躁), 表演欲太強

段片既目的就係釣魚 釣魚都要有實證?

同埋共通點仲有係犯罪者

1開始段死囚L既live, 死囚L死左, 但關殺人咩事?
因為有共通點「心臟麻痺+罪犯」所以有人死左, 就會係謀殺
(因果關係邊度黎..) 而且所以兇手1定係睇緊live既地區?
你唔係唔知有..轉播? 所謂地區限定咪又係限IP, 電訊野要leak有幾難...

大家想真d...
(我係認為deathnote劇情上係處理得ok, 為進展有d地方係需要, 但唔可以太講究現實)

死亡筆記都係鐘意電影多d，L最後贏左月，但後悔用左筆記

作者講到明"關東先睇到既節目"..
你就話可以用其他方法睇到..
你連設定本身都要反對既..
用你依種方法去睇劇本..依個世界有邊本劇本無問題?

同埋就算釣魚條片有你講既漏洞.. 用依個方法鎖定到月係有咩問題?
照你個道理..之後大學生時間表都可以講KIRA係扮大學生.. 唔一定係大學生

你都可以話."作者當所有人都會係個段時間睇電視"?

我唔會挑骨頭挑到好深入, 要視乎本身個故事咩類型
deathnote都算寫實類, 所以我先提高下d標準
阿月果個時間冇睇電視係咪就成世都破唔到案, 又或者大學生時間真係大學生限定etc
好多野動畫冇可能畫齊+劇本兼顧到, 但目前,
L冇考慮到其他情況就鎖定地區呢點說服力真係唔係好夠

同埋有關無法觀察只能做1大堆假想+間接證明既野, 現實係有,
例如科學領域好多野都係咁, 粒子結構、行為/現象等無法觀察,
亦只能間接推論、證明, 呢點係模式上有少少似deathnote入面既L
但個出發點卻存有好大差異, 粒子結構無法觀察但至少可以做下實驗
而隔空殺人無法做到實驗, 只停係假想階段, 就瘋狂實踐實際對策or跟進行動..