你可以話我把口好惡毒，但絕對唔夠呢啲窮人父母仆街。
利申窮人家庭出身，細個以為讀好啲書就有出頭天，依家三大乞食科準備畢業既垃圾，而家將佢哋既睇法逐一破解：
1. 要生兩個先夠維持出生率
謬誤：佢地會覺得自己有種"社會責任"，要幫呢個社會製造多D奴動力，否則呢個社會就會絕後。
破解：呢個社會問題係有錢人先要面對，冇窮人既仔女做奴隸，呢個社會邊有奴動力呀？！「勞動是美德」只係培訓你地窮人既奴性咋，仲喺度博命生為咩？想自己子孫世世代代做奴隸？不了。。。
2. 生仔邊洗四百萬咁多
謬誤：佢地會覺得養一個仔唔洗四百萬咁多，一張＄100就整到一餐住家飯，話四百萬果D根本誇張左。
破解：咁突顯左佢地根本唔識計數，計漏左好多數，中小學費有免費教育，自己攞綜援，冇幫個仔安排補習班、冇課外活動、冇零用錢、冇玩具、冇遊戲機、過年冇新衫著、冇出街食、放假冇旅行、冇娛樂，完全唔諗個仔既感受，放學就要即刻番屋企，遲番就話佢學壞，由得佢同其他同學冇話題、冇社交、冇興趣班、冇自信、冇見識。讀書唔叻就怪個仔，打佢鬧佢，入唔到大學就話佢又蠢又懶，冇諗過D屋邨中學有幾垃圾，冇諗過個仔冇補習冇資源。
3. 已經將最好既俾哂仔女
謬誤：佢地會話「天下無不是之父母」，自己已經盡哂力照顧仔女
破解：自己free ride咗人生一大半，一係做低微工作、一係攞綜援，白白錯過咗以前港英時代經濟起飛最輝煌果幾十年，浪費咗向上流動既機會，"回歸"後，丫sorry，係中共"收番"香港後，又冇好好為下一代爭取民主，仲要話後生既搞事，自己後生果時冇遠見冇規劃，冇為自己改善經濟、冇改善社會，依家又怨天尤人。
4. 天生天養，唔好縱壞仔女
謬誤：佢地會覺得個仔要天生天養，平時一定冇零用錢，放假唔會帶個仔周圍見識下，生日一定冇慶祝、冇禮物，唔買玩具、遊戲機、電腦俾佢地，就連電視都唔俾睇，話唔想縱壞個仔，要佢專心讀書
破解：有錢既仔女會從小到大接受栽培，有資源接受教育，有基本娛樂、有得周圍去、有童年回憶，窮人回憶就只係貧窮。
5. 冇人送終
謬誤：佢地會「養兒防老」，驚自己死咗之後冇人送終
破解：呢個諗法好撚自私，自己冇思考過人生既意義，佢地有得揀唔生，仔女冇得揀唔出生，為咗自己死後有人送終，就要下一代接受一個悲慘既人生。
6. 冇人養自己
謬誤：正如「養兒防老」，驚自己老咗冇人照顧冇人養自己，就生定仔女，等佢地大個養番自己。
破解：自私到仆街，自己後生搵既錢已經唔多，冇乜多餘錢培育仔女，喺香港攞綜援都唔會餓得死人，養大個仔有幾難？有冇諗過為個仔鋪後路？個仔第時做份牛工，又買唔起樓，冇錢娶老婆，仲要養埋屋企兩個廢老。
7. 心靈滿足緊要過物質享受
謬誤：佢地會話最緊要心靈滿足，又舉D有錢人爭身家、敗家仔既例子，自己就站在道德高地，唔希罕物質生活。
破解：收皮啦！自己跌落地仲拿番扎沙，攞D極端例子喺度打飛機，自己就日日為水電煤開支煩惱，仲成日嗌交打交，正所謂「貧賤夫妻百事哀」，有幾心靈滿足？Sorry，可能有但我完全睇唔到。
8. 讀書總有出頭天
謬誤：因為自己細個冇機會接受教育，所以依家覺得個仔只要肯努力讀書，就會出人頭地。
破解：忽略社會現狀，仲沉溺喺港英輝煌時代，唔知依家社會缺乏向上流動性，學歷貶值，大學生已經唔係"天之驕子"，大學畢業都只係幫有錢人打份牛工，證書只係一張沙紙。
9. 生命誠可貴
謬誤：佢地會覺得為呢個世界"創造人類"好偉大，正所謂生命誠可貴，覺得人生係一件美好既事，有得做奴隸已經好幸福，好過非洲國家同戰亂地區既人連命都冇。
破解：冇諗過人生唔一定係美好，尤其喺現今香港，窮人要過住含撚既生活，死唔一定係壞事，可以係一種解脫。
10. 傳宗接代
謬誤：「不孝有三，無後為大」，覺得自己有責任傳宗接代，唔生就係不孝
破解：如果自己係劣質基因，又蠢又窮，何苦仲要繁殖下一代？當自己係豬公豬乸？絕後咪絕後，少咗D劣質基因，世界會變得更加美好。
初頭真係純粹諗住一人出一個，點知愈打愈起勁，唔小心一次過打咗十個，歡迎大家補充，你地都冇估錯，我係貧窮家庭出身，（依家準備三大grad，未有offer），全部身同感受，你可以話我諗依D好不孝，但我只係講出事實同個人睇法，錯既你地可以片我
我覺得連登好就好在唔似其他討論區咁虛偽，淨係識得隱惡揚善，懶係正能量，吹奏政府、老師、警察、父母既偉大，淨係宣揚世界既美好。
呢個係小弟第一個處女post，希望各位連登仔不吝賜教。
