有無經歷過回魂夜？

我婆婆走果年我得十歲
夜晚我自己訓，我記得當晚好凍
冬天得返4-5度，凍到我係咁震
想攞多張被但又起唔到身，
矇矇矓矓見到婆婆走埋黎我幫我come被，即時暖返哂，
婆婆臨走時仲掃下我頭，
我就喊到豬頭咁拉住婆婆唔俾佢走，
果時我仲以為發夢。
點知我訓醒見到自己多左2張被
（訓前一張羽絨被）
我媽仲問我幾時入過佢房攞被，點解佢唔知
我話係婆婆幫我come，
之後我媽問我點樣見到婆婆，我一路講佢聽我媽就一路喊到豬頭咁

Yes. 好彩準備左朱古力同保鮮紙

屋企老人家會灑麵粉響門口

好細個試過
聽到風鈴聲
但個陣屋企係冇風鈴
仲叫我唔好成日喊

風鈴好似招鬼魂的, 我阿媽話家裡唔好掛風鈴

我婆婆果次咩都見唔到，但喺房聽到廳出面有鐵鏈聲。。。
我媽媽果次就夢到佢，我問佢仲有冇見邊度唔舒服，佢笑住話冇，跟住我就喊醒咗

有,,, 老豆個老豆去左,, 去回魂屋陪老豆老母,, 成晚開住燈乜鬼都無

呀爺都唔識叫，你個不肖子孫