LIHKG 箍牙集中討論區9

4000蚊羊仔

除左佢講啲因素
其實啲牙郁得太快都會造成牙肉收縮嫁
佢是咪每次都拉到好緊？

🤔我聽講係本身啲牙維持太耐爆牙之類既情況...牙肉萎縮，箍返岩位就會露返出黎

我之前係有輕微倒合 俾佢箍成咁
好耐之前佢有講過下排牙專登箍入d咁
預佢遲d彈返出黎 所以以為咁係正常

但係戴左固定器咁耐 愈戴愈覺得唔對路所以走上黎問下係咪正常

係呀 大牙咬實哂 但前牙個虛位可以伸到少少脷出黎

我未箍完唔知 但係好似距離大咗啲
醫生依家仲有冇叫你keep住返去覆診？
如果有就問下醫生點搞啦
你隻門牙都歪咗啲咁

箍完之後 牙醫係咪會幫你將前排啲牙磨/補到齊（四四方方咁）？

箍完係指除牙釘果陣定係唔洗再戴固定器果陣
如果計除牙釘既話就冇

真係睇你個牙醫
我箍前有問過我個牙醫黑三角問題
佢話好少事 箍完之後幫我磨少少再拉番靚佢
上個月咬崩咗隻側門牙 佢都話唔駛補住
箍完幫我睇下點整番

有冇人試過箍完之後生智障齒，好驚箍整齊之後忽然生岀黎又整亂d牙

想問傳統箍牙放係大牙嘅鐵圈
攞走之後令大牙之間有牙la

我箍前幾年已經係菲臘剝咗
醫生應該都係建議剝咗佢
因為佢生出黎好大機會會整亂啲牙

應該真係會有條牙隙用嚟放個固定器

但咁我咪要一剝剝八隻 本身醫生都建議我剝四隻

窮學生想箍傳統
想請問有冇好嘅專科推介 最好比較平同係九龍
感激不盡

箍左2年半都仲未得
明明我個FD同我同期佢半年前已經搞掂
果陣個醫生仲話我會快過個FD

專科貴好多咖
肯定自己經濟能力support到？
都好多平既專科但聽返黎既comment有好有壞
記得到時唔好心急
諗多陣先做決定

但係我想早啲開始箍 驚遲啲又再貴啲同早箍早享受 而家啲牙好唔齊
咁如果普通科又有冇啲咩介紹
Thx

其實我加埋智慧齒都有8隻
你醫生話唔駛剝住咪唔剝囉
智慧齒有機會唔生出黎嘅

最平嘅專科傳統好似聽巴絲講過荃灣梁醫生
我唔知全名 你要爬下舊帖
過年前仲有3萬幾蚊 過年後唔知有冇加價
不過搵佢箍都唔快 因為好似booking好full
我自己就心急去咗咪咪姐到箍 都係專科
不過係深圳 睇你敢唔敢去
佢地就通常睇完醫生隔一星期睇報告
ok就即日同下星期剝牙
再下星期已經上箍 超快手

柚子鹽兄好耐無見
近況如何？

我自己都好耐無上水
各位早晨

牛餐肉巴最後有冇去哂list上面啲專科consult？
搵咗邊個醫生做呀？

去哂list上面啲專科consult
我都唔係牙科界米之蓮評審成員（笑

無呀，咪只CONSULT了三個
朴朴應該記得吧
新成員就要請你地順手追PO了

結果去了三個牙醫其中一個專科醫生箍牙呀
但考慮到我未正式開始療程
我就暫時不公開了
想箍之後半年／一年先再提供更實際的評價

不過，有什麼箍牙問題都可以繼續交流流
我會盡自己所知解答
或者厚多事問我牙醫
我開了IG作紀錄箍牙療程
請支持一下
https://www.instagram.com/spammarvel_braces/

（註明：非打手，好驚有不必要誤會）