「找數」真。雞翼魚蛋湯

大家好，我係子言張，話說前排開咗個post，後來又病咗又忙，然後就爛咗尾 所以今次就返嚟找一找數先！

話說上次個post有好多人想我整雞翼魚蛋湯，咁就整一個西式版本嘅做法

材料有：


雞翼：10隻
洋蔥：半隻
甘筍：半條
西芹：三至四條
雞蛋：兩隻
白魚蛋：三至四粒

話明雞翼魚蛋湯，梗係要處理左我哋嘅主要食材雞翼先啦！



首先凍水落雞翼鑊，由凍水開始慢慢滾起，咁樣會有效去除雞翼嘅血水，同埋方便一陣間去除雞翼嘅皮，




滾起之後，去皮，放入雪櫃備用
之後開始處理我哋嘅蔬菜，洋蔥甘筍西芹求其切幾下，方便一陣間爆香，留返少部份切成絲狀做湯碼




啲頭頭尾尾同埋啲皮記得唔好掉，一陣間用嚟煲湯好有用！



加入少量油，炒香我哋嘅蔬菜，之後加入雞翼，再炒至焦香！之後加入凍水，緊記唔好開火住！



係呢個時候就要倒入蛋白！因為會幫助吸收面層雜質同埋油份！之後攪拌然後開火！



一滾起之後就要即刻轉細火！千祈唔好俾佢不停咁樣滾，唔係就會前功盡棄，之後慢煮45分鐘至一個鐘頭就會變成下面個樣



最後用隔再加一層吸油紙，倒起雞湯

雞湯嘅部份完成左，咁就處理埋湯碼嘅部份

白魚蛋切碎備用



用少量雞湯將切好嘅蔬絲煮至軟身



最後將所有野放入雞湯，大功告成！



其實呢個做法就係同西式整雞清湯嘅方法差唔多，不過呢個版本就懶好多 味道方面就比較清淡，用來煮麵食/做上湯整其他菜食到一個唔錯嘅選擇

仲有樣嘢要提一提大家，記得煮嘅時候要落鹽，唔係成煲湯就會無味㗎啦

雞皮用嚟起鑊炒菜

個兜嘔吐物真係見到都唔開胃

雞蛋炸喎..

清雞湯

飛咗水用唔番

其實係蛋白嚟 因為要吸收啲雜質所以先至變到咁嘅樣

sorry



我 個胃有少少 頂唔順

啲菜絲睇落好入味

魚蛋切碎，冇晒個湯嘅神髓

攪咁多野，整個咁既湯
佩服

你都係睇下人地點整先啦

非常欣賞樓主
不過連登班細路都係想睇雞翼同魚蛋倒哂落個煲度加水

原本係要用雞免治肉+什菜碎+蛋白先做到個清湯，不過用雞翼真你做唔到，唔好意思

So sad 不過我係唔會放棄

老實講都係垃圾

其實⋯係

我覺得我有小小浪費食材

咁好心機劣食都變翻正常野
切咁多野都幾哂時間

正常期望係想見到魚蛋一粒一粒喺度

我究竟睇咗咩嘢？

我寧願你忌廉雞翼湯加白魚蛋好過

雞中翼煎香
白魚蛋切一半

So sad 睇嚟大家期望野真係唔同

唔識煮野食，想問點解要去皮？同埋點解皮左水嘅皮就唔用得？