好頭痛，獨居老人同印傭相處問題...

長文抱歉

是咁的，婆婆上年年尾中咗風
右半邊身活動能力差咗要人照顧同坐輪椅
上個月出院，因為公公早幾年瓜咗
其他人又要返工
佢自己一個住唯有搵個工人照顧佢

搵咗個香港有10年以上經驗嘅印傭，貪佢識中文同照顧過中風老人家經驗

平時睇佢就似正正常常
但婆婆見親個印印走開咗就開始r耳仔講

話個印印中文不知幾咁好，識得串人窒佢
平時婆婆一個人生活好寧靜，電視都少睇
個印印就成日自己開電視睇cctvb
婆婆話細聲少少嘈住佢瞓，就唔講咁多即刻駁嘴
“係喇係喇，我對耳冇你咁好聽唔清楚 ”

婆婆冇水食藥，叫佢幫手補水
就即刻拎起掃把扮掃地
“咁急趕住去投胎咩！等等啦 ”

（以上對話婆婆話如果係講大話佢自殺死

聽到婆婆咁覺得好心痛，係咪應該裝個cam錄低佢哋生活好

換過個啦

你係主人定個印係主人
裝cam backup定證據
炒人都易啲

個印傭最多係態度差

就係態度差又識喺人面前扮晒蟹
單憑咁樣如果有證據炒要唔要賠錢？
假如真係拍低到佢蝦老人家嘅話就一定可以即炒？

同埋要請中文流利同照顧中風老人經驗嘅工人真係唔易搵

3千幾蚊個月好難要求高

就算係香港十年 D中文會唔會太勁

4千幾先岩

裝cam拍低留證據

包食包住四千幾好多喎 仲包機票保險之類

香港人搵兩萬以下既 好多一個月都儲唔到四千幾啦

即時補錢炒左佢
無計架
請過工人就明

你試下第一次黎香港做既印傭會易中個好啲

早幾日去食飯，又真係見個印印有睇實cctvb嘅古裝劇
好難捉模係咪中文好到咁

但至少大家同佢溝通唔覺佢理解有困難
反而係佢印尼口音有時唔太聽得明

四千幾係負擔到嘅，但如果佢肯對婆婆好啲出多少少冇所謂
平時婆婆份人都冇咩要求同隨和，都頂唔順佢，唉

就係第一次請工人
以前都係婆婆照顧，佢親口咁講好心痛

裝cam,除廁所工人房外

裝有收音夜視功能，但要話比個工人知，唔係佢話你偷睇佢

因為婆婆地方細，冇間房
如果裝cam怕唔怕話明拍佢哋換衫侵犯私人？

好！

通常做得耐反而懶同仆街
你請過個第一次黎做印傭，問佢星期日唔放比埋錢你得唔得
有啲本身都唔想放假使錢
留間房比佢等佢舒服啲

最多重新教過

呢個直頭主動講放少兩次星期日

補錢炒人啦

相處唔到

第一次請工人， 就請做過10年太多了

做過兩年已經溝通到

如果想婆婆開心， 不如炒佐佢啦

最好盡快去搵新工人， 新工人返工前先炒， 就唔會冇工人用

你係顧主， 你直接同佢講， 電視唔好開咁大聲， 同埋話俾工人知， 你好錫婆婆， 同埋話俾工人知， 你喜歡有禮貌既人

正常態度講清楚就ok, 唔好狂屌， 狂屌怕佢整野食加料

每個顧主都唔同， 見你好蝦， 就會越過份

你係顧主， 有咩要求同佢講清楚冇問題架， 如果佢態度仲係唔好， 就唔好留喇， 炒啦

都係個句， 炒之前請搵定新工人

即炒啦 你婆婆重要定賠錢重要