52歲藝人錢嘉樂與42歲湯盈盈結婚五年，先後誕下大女Alyssa及細女Kassidy，一家四口幸福美滿。早前有傳兩人想追第三胎，更有指盈盈已經成功佗B，但其後否認傳聞，仲笑言自己只係肥咗，係一個美麗嘅誤會，點知近日再度傳出盈盈有喜嘅消息！
事緣TVB社交網專頁尋日上載咗一段盈盈同Kassidy做手作嘅短片，但標題竟然寫住「恭喜湯盈盈再度懷孕！」疑洩密喜訊引起網上熱議。不過，該專頁已經刪除有關標題，換上「湯盈盈親子速遞」標題，仲留言話：「大家姐嘅囡囡Alyssa（錢凱晴）同Kassidy（錢凱琪）應該都好期待有其他兄弟姊妹喇～」究竟內情係點？真係令人摸不着頭腦呀！
家姐