有冇巴絲用過 3M 無痕掛勾黐牆？

我想問下黐上石屎牆用黎掛相架會夠唔夠力，好怕掛掛下會甩，始終相架有玻璃。

同埋正常係咪個掛勾黐上牆後唔好咁快掛野上去，要等 24 小時後掛先穩陣？

唔同size 勾有唔同承重量，可以睇返幾重個相架再揀

問：為什麼在掛鈎上掛東西前，要等 24小時?
答：24小時的時間能保證膠貼牢固地黏貼在牆面或表面，充分發揮膠貼的黏性。

問：如果我想要用無痕™膠貼產品掛鈎掛一樣物品，但其重量已超過了包裝上的承受重量，我能用兩個以上的掛掛來解決這個問題嗎?
答：不能，我們不建議這麼使用。


http://solutions.3m.com.hk/wps/portal/3M/zh_HK/APACCommand/Home/Resources/FAQs

呢個我都睇過，就係睇下有冇巴絲用緊。

我見有隻係摩術貼，都係專 for 貼畫架，我個木框相架唔係好大，大概幾磅咁上下。

油漆牆身用唔用到?

試過用黎掛成套西裝, 唔夠力

成套西裝唔輕喎。

我就係想睇下有冇巴絲試過。

我用5kg果隻，可以掛到3，4件大褸，不過我唔敢黐上牆，因為層油漆個面積咁細，都唔慌受到力，同埋一潮濕佢甩嘅機會更加大，所以黐衣櫃最穩陣

我用緊隻無痕魔術貼放咗十二塊LED module上牆，仲未甩，唔知捱唔捱到春天啲潮濕天氣

我相信貼左一段時間都冇甩既話應該會冇事既。