情侶鬧交

相信有好多情侶, 幾乎個個月都鬧幾次交

好多時候, 鬧交後就會發現, 鬧交既原因其實好少事
其實最常發現鬧交原因只不過係雙方溝通出現誤會
你爭我吵, 係都要嘈到贏為止

為何要咁著重贏輸?
道理就算係你度, 件事係你岩又點
拍拖係兩個人既事
我反而認為, 有一方唔開心, 就算你係岩哂又如何
俾你嘈贏場交, 能服人心嗎?

有一個情況係, 其中一方想終止呢場交, 決定讓步, 示好
另一方會唔會都大家讓一步? 定擺出一個高高在上既態度
係都要對方做好多野去tum返
黑口黑面, 十問九唔應, 冷落對待
咁樣回應好嗎?
大家一定都唔會好受

鬧交唔係唔鬧
會唔會冷靜一下
諗下點解會鬧
會唔會因為一方態度唔好, 令對方難受
會唔會因為一方做左D野, 令對方接受唔到

搵返個原因出來, 大家可以避免
鬧交次數愈來愈少
自然關係愈來愈好

定係想贏交場交, 輸左個男/女朋友?

但有時係真係有一方岩... 不過呢點唔重要

我就發覺就算嗌交都記住要「面對面」嗌交，好過其他途徑(電話、whatsapp)。

其實鬧交好多時係啲女人心情唔好啫
畀佢哋發泄完佢哋就會過心軟㗎啦
有時甚至自己嬲乜都唔知

其實係...
明明已經想讓步
一見你弱就想贏到盡
俾哂位唔肯落係好難受

無錯 我條女兩三日就嬲一次
次次都係要我哄
仲要係on9理由
我要掩住良心忍低威
佢仲要拎尾彩鬧多幾句

老馮俾人發脾氣咩

靠msg冇左語氣呢一環好易出擊 容易有誤會

巴打你條女都幾冇品下

見佢開始嬲嘅時候就要幫佢轉移視線
即係佢哋發嬲係因為佢哋經歷咗啲唔開心嘅嘢
然後見到任何一樣嘢佢哋都可以搵嘢嚟做導火線
即係好似啲日本仔好想打中國, 但點都要搵籍口架嘛
冇籍口咪作啲藉口囉

我成日都要說服自己去哄返佢
無限放大佢嘅優點
一遲少少說服自己又多一個理由比佢鬧

agger 同男朋友面對面好少鬧交
鬧親交都係喺whatsapp 個人好容易失去理智 同好想拗贏佢

真 一直都好好奇呢啲女仔係點識番黎
係咪交友app之類 因為正常朋友都唔會做得成

佢唔會發佢朋友脾氣

咁你係咪比佢呃左

我都想有得鬧 起碼會有個原因
突然一下就冷戰
我真係好無奈

啊媽係女人

我同女朋友一年都未鬧過交
好彩佢唔點嬲
女人唔嬲男人啲嘢就好易話為

長此落去，成日要人氹果個就慢慢以為自己一直都啱晒，係另一邊成日做錯事。
氹人果個就因為次次夾硬吞聲忍氣，仲要認低威先，谷住又唔忿氣。
呢個惡性循環，終於有一次大爆發。
所以有時鬧交唔係純粹為啖氣，係原則問題。

其實係
大家體諒包容下
好多野都好易話為

所以一見讓步就要識做...
唔係老馮咩都讓哂對方