有冇人讀過VTC職業英語課程?

我D 英文好屎. 應該得初中程度
之前晌British Council 讀英文, 覺得冇乜用, 因為佢哋教得都幾冇系統. 同埋好似教得太生活化.
想問下有冇人讀過VTC 個職業英語? 覺得點? 想生活英語同商業英語都可以學.

英語授課招徠　七成課程講廣東話　
俄學生轟詐騙　擬控告職訓局
https://hk.news.appledaily.com/local/daily/article/20131028/18482796
你讀完應該廣東話好左











你唔係期望依d19學店會有好既英文老師啊
有既都去哂中小學大學到教又或者幫人私補
比你個有料既英文導師 你都唔會去vtc到教喇 係咪？

有冇邊道學英文好.
HKU SPACE 最低LEVEL 都係中五程度.
我諗我D英文得中二,三

睇下你想做咩姐
你話用黎for搵工咁我就唔清楚喇
但如果你純粹係想生活上英文好d 或者對做野睇文件寫野有幫助既話 我會建議你私補
第一 私補個個月比 唔岩大不了下個月唔交錢 第二 我做學生果時都有搵過d鬼婆私補 都係800蚊四堂 但人地讀language同時又識廣東話
分分中資歷仲好過vtc d老師

純個人意見

最近都想補英文，自問應該得小學程度

其實語文就係要你生活上用得著

暫時只係想提升自己英文能力.
for 自己去旅行唔使靜係識i go to school by bus, 可以同當地人溝通, 睇得明D 景點介紹講乜.
同埋想睇外國D 新聞. 唔好下下都靜係睇本地傳媒D 新聞.
會進修讀DEGREE. 想可以順利野雞大學畢業

私補的話, 會唔會聽來聽去都係聽同一個人口音? 出面學校D 堂, 都會分幾個人嚟上. 可以練聽口音. 不過$800 4堂又唔貴. 有冇介紹? 試住1個月先

我想生活, 商業2樣都有.

呢個都有興趣, why not both ?
之前去學沖咖啡, 成班阿嫸嚟

暫時唔係想為張證書.

無 因為無左聯絡方法lol

英文自學就可以，Internet大把免費文字及影音材料。想學好任何嘢第一唔好驚，第二係按步就班一點點累積。一個很有效的方法就是從興趣出發，例如你好喜歡行山遠足就可以試讀康文署英文網頁的遠足徑資料或名牌行山用品的英文網頁。基本的文法要掌握，但千萬不要花太多時間死背那些文法規條。大家都知道鬼佬是不用刻意去學文法的。我中學同學中英文好的包括我自己的英文都不是靠課堂或補習操出來的，而是靠閱讀培養出來。

我以前就係太著重grammars ，同埋靜係練reading , 狂背vocabulary。忽略咗listening
所以睇冇問題，寫都勉強寫到，一聽就PK。
呢排都搵咁D簡單嘅listening 嚟聽。但係都搵唔到。一係就太淺，好似痴線低低B咁。一係就BBC咁太深。
YouTube 都有搵返D教育電視英文科嚟睇。不過得嗰幾集。練listening 到而家都無從入手。
淨係聽 Oxford app 個 500 English conversations 同埋 easy English conversations