咁去到私家佢幫我滴咗眼藥水打開瞳孔進行檢查啦！
一開始入到去個醫生都無乜嘢，就問下啲有無藥物過敏啊，有無撞過啊～之類嘅問題啦！
咁佢人手check完之後就話啦‘你去樓上照一次對眼，因為我宜家都係表面咁check你隻眼咋嘛，照下可以睇下底層發生咩事～～～～（講之後點樣知結果）’.
當我準備離開時我多口就講咗‘我去過政府check過～’。
就講咗呢幾隻字佢就即刻放低俾話我了‘你去check過你唔話我知，我剛剛問你咁多嘢（但佢無問我之前又無睇過醫生之類的問題）你依家試我啊？你帶我遊花園啊？你知唔知咁樣做係好鄉下婆嘅行為係好小家嘅行為啊，你入嚟坐底大大方方講去政府醫院check過咪得咯，你知唔知我諗你隻眼點解會出現咁嘅問題我諗咗好耐㗎。你要嚟double check確認病情無問題，但你要提前講咯⋯⋯（當時我仲插口講多句話因為政府醫院話要做激光，所以屋企人建議搵私家check多次）你咁樣係好唔尊重一個醫生㗎，知唔知，如果你想問激光之後有乜後遺症你唔洗問了，激光係一定要做，你啊好𦧲飯應啦，快d返去政府度應承人地啦，你知唔知依家出面激光要二萬五㗎～咁檢查都唔洗做啦（我吓咗一聲）你以後出嚟做嘢唔好咁啊知唔知啊⋯⋯⋯⋯’
當時俾佢噴到我成面屁，然後我就狂講sorry～之後俾咗七百診金走咗。各位絲打巴打乜我無講去邊度check過真係咁嚴重？已經出去工作嘅細佬就話我入世未深。俾佢鬧完我真係唔開心咗好耐，覺得自己錯咗😫
你係眼科醫生？