分手20天，我還很掛念她

我同佢係同一間舖做野，日見夜見
一齊傾感情事，大家之間背景既野，對將來睇法，有一個月，先至一齊

因為佢媽媽因病，較早已經離開了，同佢爸爸又會嗌架，吾想見到咁，所以一齊2星期，就接左佢返我屋企住
原因係我年齡27，就28，想搵返一個可以結婚對象，而佢係之前傾果段時間，俾到我感覺 獨立，處理感情吾會拖泥帶水，有目標，大家對將來都有一致看法，所以我將心，感情放晒落去，目標30歲前結，33歲生小朋友。

接佢返我屋企住，就知道我要照顧佢一生一世，無論佢疾病定點，因為佢有個遺傳病，紅斑狼瘡症，抵抗力一差就會出事，所以我同自己講，更加要照顧佢。

一齊兩個月，果時有個婚紗展，佢表示有興趣，咁我就陪左佢去，行左好多間，有一間坐低左睇。聽完，我間就佢ok？佢覺得ok，而我已經認定左佢，所以我覺得早買，遲買都一樣，所以我fully paid左。因為我覺得一個女仔如果願意睇婚紗攝影，即係同你有諗過將來，作為一個男仕，依個時候應該挺起胸堂，去照顧佢，照顧佢家人。

之後都平安無事，去埋個旅行，到聖誕節後幾日，佢同一個中學男性朋友出去食飯，交換禮物，佢送杯，而個男仔送一個頸鍊俾佢，無特別講，咁岩我睇佢Ig先見到，問返佢點解會收？佢話普通一條頸鍊，無乜野，怪我反應大，小題大做。 或者我較為保守，覺得頸鍊係較為close一樣野，應該由男朋友送，之前我say左個sorry。

後其大概1月頭，佢搵左另一個中學男同學傾關於我同佢問題，個男仔香港人，工作關係住澳門 。 因為佢性格較男仔，所以多男性朋友，未一齊，我都知，覺得無乜野，吾通一定要全女咩。 佢地由1月開始傾，到1月第二個星期日，佢諗住即日來回去澳門散心，順便搵朋友食飯，我都放心俾佢去，去果日，我問佢夜晚會吾會返黎同我食？佢覆我未知，晏dd覆，到夜晚，佢無send過msg黎，我屋企人打黎問我地會吾會返去食，我就諗住wts call佢，2次都無人聽，所以wts佢，返吾返黎食？。當佢睇返話我個人無主見，小事都要問，同check住佢？ 其實我都係想詢問你意見姐，同無諗過check佢。。返黎後，黑面，我say個sorry又好似無乜野。
返黎之後keep wts everyday，頻密果種，我開始介意。無意間，發現我女友1月頭問過佢 仲有無鍾意佢，我男仔覆 有又點，無又點，你都有男友，我女友竟然覆佢 要散，隨時可以散，到後期去完澳門之後，再發現個男仔約佢浸溫泉，佢又覆 好啊，幾時。我無打算問，因為覺得佢吾會做對吾住我既野，到後期期嗌架，自己拎左出黎講，問佢係吾係有咁既事？佢話因爲我無問，所以無講，同有講到 吾會單獨去依d地方，或未係男女朋友都吾會去。我明白去得依d地方，你話無混浴就係假既，我只可以信佢。

2月9號，一齊半年。我本來打算去慶祝一下，即使發生咁多野都好。 而佢咁岩要還神，去好多個地方，吾想晒車錢，所以叫我吾洗跟住啦，夜晚先食。 而我果日就係屋一企洗衫摺衫，因為我地同屋企人同住，我同佢d衫都係我負責洗，收衫，摺衫都係我，做慣😂 期間無野做，拎左佢ipad打機，發現佢同澳門個男仔傾 大概個男仔過幾日，情人節左右會返黎香港，到時會同佢一齊，對話上較花心，俾人感覺玩厭就會分果種，包括我d兄弟都咁諗。我見到 因為嬲得濟，係wts講左分手，而佢果日之後無返果黎。到第四日，我返工果陣，佢返黎汁野走。
期間，我講左好難聽既對話，例如話佢出軌，點解玩愛情。 我開頭以為自己會放得低，到13號，留意佢Ig，佢過左去澳門搵個男仔，我心好痛。我好想捉住佢，我好想佢返黎，即使發生依d野都好

後來，我同事同我講返先知，原來聖誕節，嗌架開始吾愛我，因為怕講完，我會趕佢走，所以無講分手，佢自己之前講吾會返自己屋企，吾想衰俾屋企人睇。 姐係依段時間，係一對 有名無實 的男女朋友。 我之後嘗試站係佢立場，了解佢感覺，我由帶佢黎，已經斷左後路，佢所擔心，我好理解，如果有得揀，佢都吾想拖。

其實，我有好多野想同佢講，我真心將你好似妻子咁看待，我知我無錢，但我會為左大家將來，趁自己依家有能力，花時間買所謂儲蓄保險，因為結婚之後吾係二人花費支出，而係兩邊家人，開支大，儲蓄難左，吾想我下一代都係面對同一困境，所以儲蓄保險3份都係留俾自己仔女，等佢地吾洗好似我咁。
我知有好多野，無得返轉頭，過去就過去，當時冇把握機會，現在先後悔。對吾住 ， 我講過好多難聽對話，誤解你，如果可以，我想重新開始，我會等你


我打只係發泄情緒，我到今日都係好愛佢，我好掛住佢，依家同一間舖，感覺係最親既佰生人

好詳細 感激涕零

賣緊保險廣告？

抵你分手啦5p仔
吾你老母

抵你分手啦5p仔
吾你老母

仲有係陌生人 唔係佰

賣緊保險廣告？

我都覺

XX保險，伴你一生

條女出軌
比我就唔追啦
你愛都冇用
佢已經唔愛你

邊有咁多廣告😑

3個月⋯⋯仍然好掛念

這種女人 死性不改以後都會是故技重演

掛念她，有機會就好去Bro

或者我無用，俾吾到佢想要既佢

無論如何 你要面對的現實就是她不愛你了
我也是被分了半年才開始接受這個事實

女人要絕情的時候真的很絕情
她的心不在你這裏的時候 你做什麽都沒有用

清楚理解，明白

已經100%完全無可能

講經咩