各位有見之士對新儒家有咩評價?

連登有人關心依個話題,太難得了
---
依個問題好難一句講哂,依度講下自己初步既印象
單論第一、二代新儒家,即熊十力到牟唐:
1.無視左經學個傳統,對清學過份低估
2.當時太想同西方接軌,到而家反有過時之感
3.馮友蘭《中國現代哲學史》稱佢地為新心學,其實更加貼切,自稱新儒家,令人有霸山頭之感
4.門戶氣太重。一面話「我同意儒家可以各自表述」，一面話「我地先係正宗」.動輒就來「判教」
5.就儒學黎講,似乎太重形而上的思辯

我估對舊學功底不深的人黎講,新儒家可能好吸引
但對有一定功底的人而言,多少會覺得係野狐禪
(佢地D野其實寫得幾好睇,但似乎唔需要將己意強加古人身上)

淨係記得當年A level 中化果幾篇野，一味吹奏中國人，聽到都想作嘔，無中國人迫害，你唐君毅使撚著草落來香港教書？

果D只係唐先生既通俗文章 未知兄台睇過幾多佢既嚴肅學術論著？
講返轉頭 唐先生寫果D文章係有時代背景的
畢竟在50~70年代,中國文化連中國人(香港人)自己都睇唔起
一味講西化 講現實 但對「中國文化」實情沒有真確認識 更缺乏尊重
(其實對西方文化認識亦不足)
唐先生企出黎宣傳中國文化 係佢義不容辭既事

PS:不過,上一代學者(尤其保守派)既中西比較往往好表面,這情況不限於唐君毅.
例如話西方人唔重家庭,其實睇下意大利係點就知咩事
但這亦是時代限制使然,未足深責
而今日我地有上網、google,若見解,心胸不能超越前人,咁就未免對佢地唔住了

明白了，以後會多看唐君文章，感謝閣下回覆，受教了

大家覺得南懷慬係點？

我覺得經學係呢個世代係好值得提倡。

真心一問,性善論算唔算係儒學不足之處?

樓主不如先講下你點解會咁諗?

另:唔少嚴肅學者唔中意南懷瑾,因為佢古文水平根本唔合格,解書基本上係靠自己發揮.咁本身無問題既.明明只係暢銷書水平既人可以比人捧到教主咁,咁只能反映讀者/消費者既水平...
不過我地梗係唔洗理果D學者 中意就睇 唔中意唔好睇 就係咁

而經學...有無都無咩所謂既...

儒學對確立正確人生價值觀好重要

內聖開不出外王，我覺得佢地格硬砌d西方野入去解釋

留名學嘢

易簡功夫終究大，支離事業竟浮沉

Pish

統戰工具

Lm

一個笑話

e.g. 孔子學院

新儒家算唔算係曲解緊德國觀念論？

利申：剩係睇過少少牟宗三

蔣慶 ，康曉光