[求醫] 其實肩頸痛/頸椎病應該睇咩醫生...

我條頸痛左10年都有..
起初細個只係成日拍頸, 同埋條頸好易會喀喀聲,
平時番工都會用10幾個鐘laptop,久而久之...

近依幾年條頸(同埋肩)愈來愈痛........
其實我都唔知到底係肩頸肌肉痛定係頸椎病既問題....

具體痛法係全日痛...
個頭拎向左邊時, 左肩頸位抽住痛到仆街
個頭拎向右邊時, 又係左肩頸抽住痛到仆街
個頭向上望天花板時, 左肩頸加埋成條頸後方都會痛..
依排直情覺得頸痛痛到上頭...搞到頭都痛埋...
我好想認認真真根治條頸痛既問題...


至於睇醫生, 依幾年都有試過唔同醫生
包括脊醫, 物理治療, New約脊醫, 同埋跌打,
好多都唔能夠好具體指出我條肩頸咩事, 只係做下機, 拍下頸, 過一兩日又係痛番...

求下連登大神指教下我條肩頸係咩事...同埋應該睇咩醫生先可以醫好我條頸...
如果有好既醫生可唔可以推介下比我

唔好嚇我
好痛 > .<

自推

認真的，去做gym

做好背/胸/肩/三角肌

做下蛇式yoga
跪係度向前趴
訓係度個頭懸空出去

或者可以舒緩一下

有無照x-ray?

頸椎問題都令我好困擾

我同屋企人都有去開深圳做針灸 按摩同啪骨
之前有段時間條頸長期都崩得好緊
成日都啪出聲 頸又痛 個頭又痛又暈 仲搞到無覺好瞓
上去睇完 個中醫師話我頸椎有兩節移咗位 幫我啪返好
返黎之後條頸真係舒服咗好多！
雖然唔係話整一次就即刻乜事都無
但起碼feel到條頸啲肌肉鬆咗 同埋唔會痛到瞓唔到覺
個人都精神啲 條頸唔會成日扯到勁痛

後尾個中醫師都有叫我得閒要上去再針同埋按吓
因為就算啲骨啱返位都驚會再走位
我上一次去嗰陣啲骨已經無移位 不過仲有啲小問題
btw 個中醫師仲醫好咗我媽媽嘅頸椎病同姨媽嘅肩周炎 我諗都幾信得過啦

仆撚街我依定都係咁樣痛法....條頸轉邊都扯住扯住痛....唔可以好似人咁轉下頸咁放鬆，因為一抬頭就痛...
已經痛左幾年，係咪關啪頸事
利申依家先廿歲

可唔可以講係邊到睇

幾年只係忍？

首先，你有無自己拉返鬆啲筋先？
你筋緊既 仲成日十幾個鐘
你唔拉返鬆佢 好多野都係治標唔治本
試下跟住人咁拉 每一邊拉15-30秒
https://youtu.be/CaPRFm3EZWY

可以介紹嗎？

建議你首先走照左x-ray先，睇下係骨質增生定係頸椎錯位！然後先簡中醫/西醫，香港兩醫都有唔錯既醫生！

我都有呢個問題
曾經睇過物理治療 過左幾星期好d
但之後又痛番 照過d骨無事
主要係肩頸肌肉唔夠同埋緊
要keep住拉

睇過中醫,冇用
唔敢試針灸
以前去果d身體檢查又話好快冇事

就係咁咁樣拉會扯住好痛下
照做？

你地有冇去過刮痧

咪鬼用 LAPTOP 坐直條腰

照左啦..
New約脊醫叫我去照左4-5張片
連埋買保健藥第一次睇已經收左我2千幾蚊..

睇片話我
1) 頸椎過直
2) 第2,3節頸椎之間空間少左, 有少少骨質增生既問題, 同埋少少椎間盤突出 (我好奇: x-ray可以照到椎間盤突出咩?)
3) 頸椎移位: 有d左有d右, 第1,2 節向右, 其他大致偏左, 有機會壓到神經線

不過我自己對個醫生有少少保留:
1) 佢叫我頭1個月每星期要睇3次, 但睇佢次次都係講兩句+ 求其超聲波3分鐘 + 手法 成個過程5分鐘內搞掂...跟住就去另一間房吊頸....但我睇左6次左右, 情況都係一d都無改善到, 反而個後腦同頭頂(左邊)抽痛嚴重左, 依家每日都要keep住食必理痛...

2) 照完x-ray 片之後, 睇左佢4,5次佢地都未比番 d x-ray 片我先, 而係要去到我主動問可唔可以比番d x-ray 片我, 先至話下次應診時比番我 (佢地聽我拎d片去搵second option?)

3) 又係sell plan 囉, 咩鑽石計劃睇幾多次平幾多果d 煩膠野

講真, 我係好想醫得好肩頸+頭痛
但我係咪應該轉過個醫生 T.T

睇醫生轉介啦 仲上黎問

係註冊中醫師果d 定係跌打師傅丫?

成日都啪出聲 頸又痛 個頭又痛又暈 仲搞到無覺好瞓　＜＜＜　我同你ｄ症狀好似。。。

你係都係單邊痛？
我痛曬響左頸肩頭　Ｔ。Ｔ

求介紹