有無內向既人試過自己一個去旅行？

內向既人唔係更加唔住hostel 咩

啱啱去完日本，其中兩日住民宿
第一晚有兩個台灣人，兩個馬來西亞人，成夜都係度傾政治，文化。第二晚係一大班泰國女人，好熱情咁叫埋我一齊食野吹水，雖然唔係幾溝通到
不過沖完涼岀黎真空

另外就係好多人即使住民宿，都係到此一遊咁，住一晚就走

我寧願去少幾個地方，都想慢慢行
去過一間cafe覺得唔錯，第二日可以再去食另一樣野

根本唔關內唔內向事
其實內向既人先中意自己去旅行，自由自在

唔係，你問一句我咪搭一句

有
但去到都係內向
不過其他人聊我傾計都會同佢傾

Agger 一定要有人陪先去到旅行就唔係內向啦
根本唔洗考慮

內向去到出面住hostel你都係摺埋架啦

一月去左日本兩個地方
但係我最後住左太空倉同airbnb
不過都算作為第一步比自己去同當地溝通下
(當然好撚多香港人同大陸人
下次都想試下住hostel

有
嗰陣住民宿，前一晚實在太攰，第二日中午先醒。一個人旅行咪hea盡佢囉，於是就喺民宿客廳食鐵蛋睇台灣電視台 （去旅行鍾意睇下當地電視台，覺得人地既廣告都係一種當地電子媒體文化 ）
老闆娘帶pair當日入住既女仔frd黎，我地就互相介紹。老闆娘話，可能我地可以一齊出去玩。
當住老闆娘面social左幾句，然後老闆娘走左、佢地入房擺低野出返黎，我就同佢地講：「（台灣腔）我晚點才出門，先坐一下。拜拜。」
然後繼續食鐵蛋睇電視，直接無視佢地

外向唔到唔好勉強自己

自己話哂事真係最正
不過咁你個陣自己一個去會唔會有d時候都覺得好悶好空虛 例如食野個陣無得share
我之前同朋友去旅行都奶哂野 雖然未到反面
但睇到好多佢既缺點又係唔知好過知
例如其實我有時都會想靜靜地 雖然話就話2個人一齊去旅行
但都無必要每分每秒都keep住傾計有話題架嘛
但我fd就唔係 成日都要無野都搵野講 成個trip不停係度講無聊野
唔回應佢又顯得我好唔上心咁
行程又要大家夾 行累左想返酒店抖下 但睇見人地仲好有精力 都唔好意思
總之好麻煩 所以真係想試下自己去

真係想識朋友既話揀hostel落d心機應該機會大d

揀有自己bar既hostel:
Hostel bar坐得係度飲既都係想識人吹水 happy hour落去坐下 再唔係同bartender吹下水又得(同客人傾計係佢地職責實理你啦 )

揀有活動搞既hostel: (guided tour, cooking class, bear tasting, movie night..)
會有host, 成班人圍埋好易識倒朋友

有
就算唔識路 寧願google mal都唔問人
一個人住酒店單人房

唔會覺得一個內向人住hostel可以外向返

HOSTEL更凸煩內向

內向燃成日自己1個去旅行
為慳錢次次都係住hostel 但從來冇試過識到朋友
好少有人會主動撩你傾計 就算有 傾唔夠幾句就dead air
(我認係我自己既問題 真心唔識接話題/諗話題 )
所以內向既人真係唔好諗住去下旅行就可以改變自己(最初我都有FF過)

PS: 其實好想同朋友去 但好驚被佢地拒絕 連開口問都唔敢

人生第一次坐飛機旅行就係自己一個
當時我直頭連點行李寄倉都要企係機場研究一輪

我都係內向，試過一個人徒步環左半個台灣
剛開始都冇點同人交流，但愈往後孤獨感會愈大，我本身搭帳篷過夜，最後都因為太孤獨想搵人吹水而住青旅，青旅好處係可以接觸來自唔同國家／地區既人，聽佢地既故事，二來都係匆匆過客，講野唔洗就住就住

好多巴打講得岩
內向有內向既玩法
我就係例子
從來冇識過人

唔悶唔空虛!真係悶嗰陣咪snapchat wtsapp下
不過唯一麻煩的確係食野冇得嗌多啲一齊食
旅伴價值觀一樣真係好重要
例如有次個fd係激安買野, 退稅條隊長到仆街,
起碼排成粒鐘
講緊嗰日已經行左成日 仲要淋埋雨 勁攰
同佢講算啦 又唔係多錢 快啲翻酒店休息好過
條友死都唔制 咁叫佢自己翻酒店 又話唔識路
心諗識左咁多年先第一次知原來你咁撚煩
一個人去旅行真係翻唔到轉頭架 樓主快啲試下

內向既一條人友去旅行先正 成程唔使點講野

我唔明內向既人點會搵人吹水
我就係勁內向既人黎
十分慢熱 完全唔中意陌生人講野
我同陌生人講野係勁唔自然
多數一句起兩句止咁
所以我都唔明內向孜主動搵人吹水係點

內向撚，歐洲exchange嗰陣成日自己一個周圍走，
住hostel好多時候真係人夾人，有時大家見對方都係自己一個就會想r吓水吹，
但有時都會大家唔啱嘴型同埋唔到堆，咁就唯有摺埋，最多一係早啲訓，一係玩大啲夜遊