[ 技術研究 ] 打麻雀

有得上就唔係跑馬仔 十三隻就廣東 十六就台灣

Download啲麻雀app咪得

基本技巧先，頭尾盡量唔要，因為冇0同11

岩岩down咗明星三缺一
一入去有600幾蚊 10分鐘都無就輸曬

我都有點想打
我可以教你啊，我打牌贏多輸少，反而玩地主就輸多
pm我？

邊有得pm.........

屌戇尻左，sorry

第一步 睇下自己有咩牌，得一種加番子嘅就做呢個啦唔洗諗，有兩種加番子嘅睇上家打咩就做呢隻，唔好同上家對死(姐係同一條褲)冇好結果除非拎起手有一半以上，跟曬上面做你就知上家做咩，呢個係進攻

第二步 人地都會好似上面咁打，去到摸牌嘅一半，你就會知邊個有大啲機會食到，例如上家比你嘅你要唔到，簡好曬有一半以上但又入唔到章，你打咩下家都要到，咁你就知，下家上到大學你都仲未讀完中學，所以要開始小心下家

第三步 人地開始叫啦，就打攻防戰，人地攻你去防，因為一定要記住寧棄莫出銃，除非自己都做緊大牌，咩叫大啊，清一色啊，大三元啊，十三幺，打花嘅睇正花，睇咩風，咩圈，呢兩樣好緊要，計少左除時多二，三番，點計番？睇下咩圈，東圈嘅位位碰東多一番，再睇下坐咩位，坐東位嘅再多一番，如果東圈，你坐西位，碰東一番，碰埋西再多一番，如此類推，過左莊又會再轉啲位，所以識數位好緊要

第四步 扣死佢，寧願一齊輸自摸都唔輸出銃，所以有啲人話打香港牌好悶，因為真係正路咁打嘅，好多時唔會輸，啲人輸係因為唔信邪，個心又雄，同人搏牌

第五步 計番的重要性，你做緊牌，好想食，你又睇得出有人準備差唔多食，點知啊？人地做同子，但打同子，打剩幾隻開始清冇用嘅番子，你就知人地就站啦要好小心打，但你又想博，咁點好？簡牌黎睇比人食，出面有咩番子打過嘅打左先
上家做緊萬子，唔係東圈，唔係東位碰左東
下家做緊索子，打埋番子出黎，清面
對家同你做同子，上過一次
你有同子同番子，同萬子，你話應該打咩先？
上家混一色
下家清一色
你同對家好大機會對死，佢搏都未輪到你搏，你打下家仲上得，佢打除左食就係碰斷自己對眼，所以唔會咁做

有時啲人食左鋪就開始旺，人旺起上黎真係要咩黎咩，所以唔好比呢啲人打起，一次機會都唔好比

慢慢消化

有勝算就搶，冇勝算就扣
人棄我取，攻其不備，出其不意

糊者，詭道也。
起手好就扮衰牌，衰牌就扮地糊

最簡單分法
咩牌型先可以食糊?

要計番應該就唔係跑馬仔，唯有當你打有花既三番起糊。

食糊係計組合，夠三番就食得糊。咩叫一番呢？番你當係分數，唔同組合有唔同番數，愈多愈勁。

坎（音kan2）
坎係打麻雀基本單位，一坎即三隻或四隻麻雀的組合。筒索萬順次序三隻叫上，三隻一樣叫碰，四隻一樣叫槓。要食糊最基本就要湊齊四坎加兩隻眼，即兩隻一樣的牌。以下解釋會skip眼。

0番
即雞糊，跑馬仔最常見，隨便砌都係。

1番
平糊。即四坎皆是上，食出有一番。
正花。打花先有。當你坐莊家時，拿到1花就會計有一番，坐莊家下家就拿2花如此類推。但當拿錯人地隻花就無番，而一隻花都無時都當有一番。
風。即東南西北。東圈時碰東有一番，坐東位（莊家）碰東又一番，所以每鋪總有個人會大叫雙番東。
中發白碰出有一番。
自摸。食糊時，如食糊牌是自己摸就叫自摸，加一番。
如自摸牌是因開槓而摸，則槓上自摸再加一番。

2番
一台花。花有兩種色，集齊一套的話，在正花的一番上再加一番，即兩番。

3番
混一色。指食糊牌只由筒索萬其中一種再加番子組合而成，食出有三番。
對對糊。指食糊牌只由碰牌組成，食出有三番。
花糊。儲夠七隻花即時當自摸三番食糊。

5番
小三元。碰出中發白其中兩種，第三種是一對眼。計五番

7番
清一色。即食糊牌全由筒索萬其中一種組成，食出七番。（口訣：雞七平八）

8番
大三元。碰哂中發白

其他
小四喜大四喜。碰東南西北，小就其中一對做眼，大就全碰，兩者都爆棚
十三么。東南西北中發白一九索一九筒一九萬，加以上任一隻做眼。十三番
番糊。全番子。爆棚
坎坎糊。對對糊，但唔碰人，全部自己摸。


以上例牌可以自行組合，當然對對糊同平糊唔會一齊食出啦。
例如混一色對對糊就3+3=6番，有中發白又加一番
清一色雞糊7番，平糊8番，對對糊10番。如此類推。

又例如小四喜一定係混一色，大四喜一定係混對，就好少逐個計，直接食最大番數。

記牌

唔係好識打麻雀 靠運氣
識打嘅 要章法加心理戰

最好多加綀習

麻將遊戲game唔止一個

最鐘意撚雀 有冇人研究下

出黎打返幾圈囉 平時都唔打太大

我都唔太大 你打開3番起?

係呀 留tg傾下

夠人打咩