[精品咖啡4] 精品咖啡同好區 - 入黎飲好啡

什麼是精品咖啡？

在談論精品咖啡之前, 應該要首先了解什麼是咖啡豆
咖啡粉, 相信大家都知道是咖啡豆研磨後的成品
但咖啡豆的前身是什麼 ? 是果實嗎 ?
是黑色的吧, 所以才會這樣苦吧 ?

不對, 其實咖啡的果實叫 咖啡櫻桃(Coffee Cherry)
外表像櫻桃般的深紅色果實, 味道也像櫻桃般酸酸甜甜的
經過不同的處理法去除果皮果肉等後, 成為咖啡生豆
生豆再經過烘焙之後, 就成為啡色的咖啡豆

但先前說過, 咖啡果實味道是酸酸甜甜的
所以咖啡豆的味道, 其實亦應該是帶酸甜, 而不是苦的
咖啡帶有苦味, 多半是因為過度烘焙又或是過度萃取
就像牛肉煎太久碳化會變得焦苦一樣

所以, 精品咖啡做的就是要帶出咖啡原來的味道
咖啡本應是帶有 各種花香及果實的酸甜味,
經過烘焙後, 更會特顥出焦糖及朱古力等甜味
而非只有焦苦味
這就是一般咖啡應有的味道

精品咖啡更會因種植地域氣候變化, 處理法和烘焙度不同
味道千變萬化
與紅酒及威士忌相比有過之而無不及
但價錢比較親民, 保存亦相對簡單

以下為 理論上精品咖啡可能會出現的味道
檸檬 橙 蘋果 葡萄 菠蘿 藍莓 咖啡花 茉莉花 薰衣草 肉桂 羅勒
甚至係 甘蔗 碗豆 牧草 小黃瓜 都有可能會感受到

以上可以大概分類為 果香 花香 草本香 朱古力類 焦糖類 堅果類
咖啡味道, 千變萬化
背後還有更多的知識及理論

其實我是來推廣精品咖啡的
歡迎入坑

回番啱啱水個個問題:

唔洗起曬弶
首先我都多謝小狗清不斷開Post 答新手野

我著眼點係萬幾蚊洗左係個濾水器就等於好水
而課堂要收錢, 啱, 一買一賣:
專人教唔教黎講, 本身都係教新手的話唔洗技術太差出到啡其實已經比到一個正面的精品咖啡概念佢地, 重點係入到門, 但上黎上新手堂的又係咪全部入門? 所以只需要應對到新手的智識就可以過關?

當然我唔係開班亦唔阻人發達

有問題所以問下咋，估唔到即時比人串

出色嘅 coffee shop list.
如果想試好嘅咖啡
又或者係手沖既話
建議你去咗呢條 list 入面果啲先
唔想大家第一杯就中伏

呢條 list 任何人都可以修改
大家如果覺得我有店舖係漏左既幫我加一加
可以的話幫我打少少評價添
唔該哂

https://docs.google.com/document/d/12S7tDRAh9EIOxJ41fyQjV4d9NBNZfynhTKh6XTg2hHg/edit

過往既 post
post1
https://lihkg.com/t/389705/1
post2
https://lihkg.com/t/490442/1
post3
https://lihkg.com/t/537484/1

宣傳一下先

我係葵興有個自己既私竇
定期會開班教啡
通常都係教手沖咖啡
會講下起源, 處理法豆種等等
會一步一步去引導大家分辦當中既味道
之後仲會俾你地一齊去試沖
當然我會企係隔離教你啦

通常都係 平日夜晚 / 六日下午

有興趣就 tg我
nightd1

想請教下如果買部磨機玩手沖小富士係唔係一個好選擇

都同你講聲對唔住先
我都好似惡左

其實新手都好多問題
如果對於咖啡既大畫面無一個好好既認識
真係可能問到你口都震埋
因為新手問問題啲角度係你估佢唔到

如果開班可以發達我都想
但真心真係搞手打個和

對唔住係我懶 !!!!
我未整理好啲資料 !!!
是但掉住啲你問我答出黎先

問 : 磨豆機對於 手沖係咪好重要 ? 平平地300蚊磨得唔得 ?

答 : "磨豆機，唔係對於 手沖 重要咁簡單
而係手沖，機沖，所有野總之係咖啡就 十級重要

上面我有提過少少 萃取
咖啡，其實成件事都係環繞住萃取
不論係 手沖 定 espresso 
萃取，extract 
簡單黎講，就係咖啡粉入面，有幾多物質可以溶到係杯野入面

你幻想杯入面既係茶葉就會易啲理解
茶葉放得愈耐
入面既味道出得愈多
杯茶咪愈濃
咖啡都一樣

但咖啡唔似茶
咖啡唔同時期 萃取 到出黎既味道
係完全唔一樣
簡單分做 前 中 後期
前期，酸味
中期，甜味
後期，苦味

咁如果 咖啡粉磨到出黎 形狀大細不一 既時候
大小適中既 粉粒萃取緊適當既味道果陣
過小既 粉粒 由於太細粒，佢已經萃取到後期
出黎既既味道會過苦
過大既 粉粒 由於太大粒，佢仲萃取緊前期
出黎既味道會過酸

成杯野就乜味都有
唔夠清晰，雜亂無章
就唔好飲

所以好既磨豆機，首要係磨得平均
令你可以有效咁控制萃取率
"

問 : 咩野係萃取 ? 水洗速度愈慢就萃取愈多 ?

答 : "水流同萃取關係之前，其實咩叫萃取? 又取幾多先叫好? 

我簡單講一講啦
係195幾年，美國咖啡協會係 麻省理工請左個 化學博士黎，諗住話研究下咖啡睇下點樣係最好飲

咁博士就發現，其實咖啡豆入面一般既可溶成份，只佔30%左右，其餘70%係溶解唔到既物質，基本無味道的
咁即係話，""萃取"" 就係指用方法將入面果 30%拎出黎

萃取率 就係指，係果30%入面，到底拎左幾多%既可溶物質

經過約10年既研究，係近萬份調查中，加埋最後既調整，發現萃取率 18~22%既咖啡係最美味

有人會問，點解唔係萃取哂所有 30%既咖啡最好?
當中就要講到咖啡入面既成份
可以簡單分為 低，中，高分子量 既滋味物
其中同我之前講過既相同，果酸類花香類等，係屬於低分子量，最簡單揮發溶解，會首先被萃取出來
中分子量，有焦糖 堅果 朱古力類等，佢地要多dd時間先可以被萃取
最後既高分子量 味道以 樹脂 苦鹹 酒氣 焦嗆 等 為主，會係沖泡末期 又或者我地稱為 ""過度萃取"" 時出現

再簡單講，萃取不足會過酸，萃取過度會過苦，18~22%係完美
*詳細自己搵 金杯準則(gold cup standard )


再言歸正傳，流速同 萃取率既關係
簡單說
溫度高，浸泡時間長，萃取度都會提升

咁咖啡粉愈細，紙愈密，水就流得慢左，浸泡時間長左，萃取就會提升


透過 水柱大小，水溫水質，研磨程度，濾紙粗細，浸泡時間，甚至係沖水手法同時機
達致完美濃度與萃取率，正是咖啡迷人既地方"

佢都係問係部水機係咪貴就好，同埋貴機同沖啡有咩關係
咪勞氣啦

咁搞班你覺得自己deserve賺幾多咪ok囉，一個人一舊水，十個人就一千蚊，一個月8堂都8千蚊

不過見到你做水機貴但係又好似無講到佢既水出黎同沖啡有咩關係大家先問姐，同埋磨都仲係家用而唔係教學水平先有疑問

如果部水機正，我諗好多手足都會課金既

問 : 罐裝咖啡有時會寫住 阿拉比卡, 咩黎 ?

答 : "咖啡2大品種
Robusta 羅布斯塔
Arabica 阿拉比卡
(其實仲有第3種, 不過產量太少得1%唔講)

簡單講
Robusta 優點 : 耐高溫, 耐寒, 耐旱, 耐濕, 抗蟲力高, 產量高, 價錢低
缺點 : 香氣缺乏, 果酸缺乏, 苦味很多

Arabica 優點 : 風味完整, 酸甜香氣平衡, 層次豐富, 好飲, 咖啡因含量低
缺點 : 難種植, 種植時間長, 海拔要求高, 產量低, 抗蟲力弱, 抗葉鏽病弱, 價錢高

價錢都差成幾倍

"

仲有無咩問題想問
盡答

問 : 即溶咖啡邊隻好飲

答 : 在我眼中
即溶咖啡黎講
其實隻隻都差唔多咁劣
因為入面都一樣會有大量既糖精奶精色素增味劑之類

因為其實咖啡係果實
係採摘運送處理儲蓄當中
會有部分既 蟲蛀豆 破碎豆 死豆 未熟豆 發霉發酵豆 等等既東西出現
我地會稱為瑕疵豆

呢樣豆會產生怪味
所以需要落添加劑去除怪味

巴西係世界最大咖啡產國
巴西當地法例規定
即溶咖啡生產商, 最多只可使用50%瑕疵豆
否則遺法
亞洲一帶各國, 強國 台灣 印尼 越南 等
據我所知
全部都無法例規定, 即係用幾多都得
唔排除佢用哂 100%
所以最好少飲即溶咖啡

但如果真係要揀
我會揀 UCC

即時召喚成功

小富士係一個唔錯既選擇
有時樂天會發神經做跳樓價

4500 蚊一部 小富士
可以減到 2700 包送到上屋企門口

真心求教
同埋見fb fuji royal hk係唔係真代理黎

thx巴打
2700咁抵
但係唔係日規要自己改電壓？

要加多個變壓器
但其實好細個咋
唔會話好阻地方

手掌大細

唔該巴打
得閑留意下樂天先

有咩問題要解答 ?
關於個磨 ? 定水問題 ?

小富士其實亦有唔少鋪頭都用緊
每隻磨都有佢唔同既特性
無話邊一隻係教學水平架
你對於萃取個概念理解係清晰既
手磨都可以沖得好飲架

還原水機我的確係飲得出沖出黎既味道係細緻啲
層次會豐富啲
有可能係因為水份子團較細既原因
但我唔係水專家
答唔到你好詳細, 抱歉

收費問題我覺得唔需要作公開討論
我相信搵得我上得黎既人
對於收費同期望方面係清楚既
因為我都會事前問清楚
如果有誤會既講聲唔好意思先

同埋我宜家主要都係開 基礎既入門班
並未去到比賽級既水準既班
我自己亦未去到呢個層次
純粹係將我咁多年以來識既野分享出去

教導更多人咩野係咖啡
咖啡既味道係點樣
點樣先叫做一杯好既咖啡
要點樣沖, 點樣改善

將來有機會又有錢既話
我都想買部 ek放係到看門口
但我諗呢個係將來既事了
香港地好實現
無錢就什麼都不是

好多人都對水，磨好想做唔同類形比較嫁啦
係連登搵得食，都預左有人問嫁啦

大家討論下姐，唔洗咁既
新唔新手，其實同理論無關既
你一樣可以講下點set個水機，令到個萃取率有咩改變，我諗大把人都想知

好飲，但點樣好飲法？有無得更好飲？有無咩限制？不過講真個句，如果硬件已經係大既限制，好難可以學得好好。如果無關係，d人之前都唔會比幾千蚊上堂啦。