新年解簽流年

可以

性別？出生年次？

呢支簽是孔子到齊國學詔樂學到廢寢忘餐3個月，你係女，即係話你要主動反追呢個男仔，做到120%努力，好似孔子咁廢寢忘餐先追到或你所講復合啦，我用你生日睇番你依加行緊好重姻緣運的，最後係可以復合的，冇問題，前提係你要好努力反追呢個男仔

仲會唔會幫解，但唔係呢兩間

可以試試

年來時運尚逢遭 目下如漿逆水船
直待兔藏龍入穴 此時方憂免煎憂

要講埋係問咩, 問事人少少資料, 性別, 大概年幾啦

係wor
唔記得咗講，唔好意思
關於工作前景，本身係返緊工。
男
今年35

前兩句係話 (年來時運尚逢遭 目下如漿逆水船), 依加工作好多阻礙, 運又遭央, 目下水流好似漿咁啜住, 船都行唔到, 但你又要行, 即係你呢份工對你黎講好需要或好有興趣, 你唔想唔做, 逆漿行舟, 啜住都要向前行, 話明啜住即暫時冇得升或調

第3句, 直待兔藏龍入穴, 兔即係卯(陽曆4月或兔年), 龍即係辰(陽曆5月或龍年), 今年係丑年有排都唔到兔龍年, 求簽唔會咁耐事, 所以兔龍會指明年4,5月, 又收藏又入穴,即唔見左, 我睇應該係阻礙你的小人走左, 咁一切都順番, 唔使你自己走(到第4句, 此時方憂免煎憂)

感謝
我都係有呢個感覺，不過都唔敢諗升同調
唯有努力頂住先
Btw 真係多謝你
因為自己都諗唔通直待兔藏龍入穴點解
果個師傅就話要等到冬天
不過你既解法都合理
心理有個壞d既打算要捱耐d都好既

但我發覺個漿字我打錯左，應該係槳先岩

算啦 錯有錯解
師父教落起錯卦唔緊要, 自有其玄機

加油啦

我都信架
真心多謝你肯花時間幫我解
大家都加油

其實事業有呢2支車公同黃大仙，你年頭會轉project或地盤，什至轉工，因為車公同你講左積小成多，即係依加仲小所以係新景象，即新工作環境，越王都係被打敗去做奴隸所以都係新環境，呢個project會有排做而且好辛苦，最起碼春夏天都辛苦，要冬天先好番d

姻緣呢支簽同你講多又嫌多，少又嫌少，即係有唔少女性出現但你選唔落手，你特別注重佢地個弱點，我睇你8,9月感情會旺，而且同時出現多過1個女性身邊俾你選，不過佢地本身都有某些缺點你唔係幾滿意，到時再睇睇咩野啦

天晴粉蝶翻衣晒 又看庭前蟻陣排

個地盤空到可以哂衫，即係未起好上蓋啦，又可排陣，未起野上去

又係我呀
今年求左呢支

忌轉工, 去外地, (一物光圓人不識), 冇人冇物唔識人, 去第2度好大獲, 轉工同一道理,
(幾度去之猶可惜), 你去其他地方都係可惜, 唔方有好野啦,
(仙翁指點是靈丹), 指會有個唔錯機會, 我睇似乎, 可能係引你投資或轉工的, 忌轉移, 但有機會引誘你,
(丹盡千金求不得)最衰呢句, 丹又盡, 你所要的野都冇哂, 千金求不得錢又冇哂
總之就保守唔好周圍走, 去旅行都要四買重保險啦

47要求還荊州wo, 你想追某人?如是應該對方唔太so你啦, 如沒有但我覺得你都有目標的, 應該都唔會有好結果

你拍緊的話, 你對象似乎仲對ex有聯絡或更什關係, 要小心

34簽有兩囂頑, 大舜父母不好不講忠義, 對比你就係上司唔太睇你, 但你孝順對比就係做野都ok同忠心, 炒你唔到, 但要升就要上司走先可以, 咁即係有排等囉