【第三者原來係AV女優葵司!!】松本潤一腳踏兩船井上真央被瞞足四年

爽 2016-12-27 23:39:04

近年專爆日本藝人醜聞嘅日本雜誌《週刊文春》，本年度最後一期都爆出驚人消息，踢爆尊尼組合嵐成員松本潤於4年來一直腳踏兩船，直指佢瞞住圈中女友井上真央，秘戀另一名女友，呢名小三更在一個月內送上門三次，不過女方暫時身份成疑，圈中流傳小三可能係一名艷星，網民指24歲AV女優上原亞衣嫌疑最大，不過雜誌已證實曾夥拍杜汶澤合演港產片《3D豪情》嘅AV女優葵司，才是介入松本潤同井上真央嘅第三者。

今期《週刊文春》爆料指，33歲嘅松本潤於12年12月出席大前輩中村勘三郎喪禮時認識呢名女子，對方現時廿多歲，雖然一度鬧出分手，但松本潤最後都箍煲成功，並重修舊好，該雜誌發現該女子一個月內上松本潤寓所共三次，而記者平安夜當日追訪松本潤嘅感情問題時，佢用頸巾遮面，仲話：「我唔識呢個人，以上問題請搵事務所。」尊尼事務所方面最終都冇回覆傳媒。

其實松本潤同29歲嘅井上真央，自從11年前合演偶像劇《花樣男子》後就發展地下情，飾演道明寺同埋杉菜嘅二人，更是觀眾心目中最佳螢幕情侶，有關井上真央嫁松本潤嘅消息多年來不絕於耳，點知近日男方被指一腳踏兩船，令二人婚事忽然造成很大障礙。

http://hk.apple.nextmedia.com/enews/realtime/20161227/56098441