毒撚教你溝女！ 你問我答

你都識講兩日啦，都唔熟冇主動搵你好正常。佢現家搵你嘅動機就係感情問題，又可以話呢個係你地之間嘅“契約”，你呢幾日要做到嘅嘢就係要同佢製造更加多的契約，例如係某啲特定話題？ 不過我都唔識製造，要好睇情況。

同個女仔識左一個星期唔夠
白色情人節flirt好唔好?
定應該點做

Sorry 講到1999, 重新講過
話說係網上識到個女仔
識一個個星期到
初初真係好鬼死好傾, 而且feel到雙方都有好感
不過之後衰太急問佢出唔出黎
佢搵借口推左
之後我d毒撚格就出左黎 呢兩日都無搵佢
黎緊白色情人節 我應該做d乜野
flirt下佢好唔好
忠實讀者上

It takes two to tango.

如果你可以好似達哥咁一個吹三粒鐘就話姐，正常人講嘢都要有交流先繼續到。我自問真係冇乜話題，但我覺得男人係要有一範係精，當你冇嘢講果陣就講果範。
我都冇女，咪一齊加油

同佢傾返計先啦

你毒撚格出晒嚟嘅意思係咩？ 傾返計先啦

你成日問問題？講下生活上面嘅趣事，如果冇嘅話，就不如試下平時遇到一啲好笑嘅事之後，夜晚返屋企坐車嗰陣諗下點講返岀嚟。 最緊要嘅係要講陳述句， 要條女對你嘅故仔，你本人有興趣同有好奇心，而唔係得你單方面一味問問題。

南韓起源係咩

大師,如果一味對個女仔好好,比哂安全感佢,最尾受傷既只係自己

點先可以反客為主

首先，講過好多次，女係唔使追嘅。你一追，咪即係你嘅地位比佢低，咁仲點撚樣反客為主呢？咁點樣先唔係追？就係咪撚一味對個女仔好好，以為可以感動人，呢啲嘢留返做人男朋友嗰陣再做都未遲。好彩嘅條女就會明確拒絕你，唔好彩就被人收埋兵，你成條狗咁乞人注意力。

總之記住一點，你可以對人好，但千其咪撚討好人，人地有問你再去幫手都唔遲(唔計開門呢啲gentlemen嘢)。一段關係應該係雙方都有付出先健康㗎嘛。

講起安全感，好多仔都覺得應該係要做到好乖仔，要有責任感唔煙唔酒唔賭錢之類，唔係話呢啲唔啱，不過呢啲唔係女仔所睇嘅安全感，呢啲係搵老公嘅條件only.

對女仔嚟講，安全感應該係比佢一種可以carry佢嘅感覺，係一個陌生嘅環境入邊跟實你就冇死。就例如你毒撚一個唔識social去到舞會都第一時間搵返你個朋友陪你carry你啦。所講嘅安全感就係你要做一個帶領嘅角色，去carry條女係一個未知嘅領域探索，等佢覺得你係可以依懶嘅先啱。呢個就係點解我上面成日話要係一啲你好熟嘅共同興趣上carry條女，等佢由心底裏崇拜你。

好簡單一個比喻，一隻誓死保護你嘅獅子同一隻乖巧嘅免仔，你揀邊個？

咩係愛

佢笑你就笑

Hi

用咩app可以同女仔傾計？
想改善同女仔溝通技巧

咁點解大部份人樣一般又窮？就係因為老豆樣一般又窮囉，但你老豆當初都可以溝到你老母返嚟喎，咪證明咗溝女根本唔使呢兩樣。

line/wechat?