想問下佢對我感覺係點？

我同佢識左半年，係近排2個月開始熟

想知道佢以下幾個行為有冇特別

1.一開始約佢出黎會問我有咩人去，近排約佢就唔會問，同埋如果佢冇約朋友基本上都會出黎...

2.近一個月成班fd出過黎幾次，去唔同地方，佢次次話凍，就會拎我件外套著，但明明每次成班fd既外套都放埋一齊，佢剩拎我果件

3.有時會有意無意同我講佢單身，冇人溝，但我知道佢身邊多男仔fd，但應該係識好耐

4.一開始果時有時幫佢比左錢，佢一蚊都會比返我。依家d小數十幾蚊佢唔會計，過30$一定比返我。

5.有次問佢呢幾日有咩做，佢講哂成個星期行程比我知，話年初一二三都冇野做，係屋企悶

6.近幾次出黎，出得夜，會主動叫我陪佢坐車，我同佢隔得唔算遠，但我地各自都有車返自己果邊，好似長沙灣同大角咀既距離

7.佢超鐘意某卡通人物，佢試過話我似...

8.同佢whatapps有時好傾，有時會以讀不回，隔左一段時間（可能幾個鐘，可能第二日），先覆我/或同我講其他話題

9.近排多左身體接觸...掂下手仔...

10.我同佢年齡差幾個月，都係適合結婚既年紀，我同佢熟之前都知佢想搵人結婚，而我都係。所以我覺得唔似收兵...

其實仲有其他...但一時諗唔起

各位巴絲點睇

利申：係同事

無。

始終唔係識左好耐

鍾意咪追lo, 俾d 心思，俾d 小驚喜，暗示下你想同佢一齊

我諗緊...但驚衰左會冇朋友做。因為我地係whatsapp傾一般般。見到面會好好傾，傾得幾開心，又有幾樣共同興趣...

真心，勸你唔好ff咁多，保持平常心，隨緣

否則當你鐘意咗佢先發現原來佢對你無感覺，你會好傷........

利申
類似情況，結果鐘意咗佢，而家傷左幾個月仲未放得低.....

我有啊，我對排專登買左個公仔比佢，我扮係抽到唔要比佢，佢超開心。晚晚攬住訓（佢話）

我知道啊，所以我依家冇刻意做太多野，一直都係扮唔太在意咁。

正如樓上巴打們咁講，有feel既咪追囉，不過真係唔好咁上心.....

隔一段時間後，當你為佢做咗好多嘢，佢會有日問你：「做咩成日對我咁好？係咪鐘意咗/想追我呀？」你要諗定點樣答......
千祈唔好答「係」，巴打們教落唔好比底牌對方知，保持返少少神秘感.....
但又唔可以答「唔係」，陣間佢以為你真係對佢無feel而斷咗自己條路.....

係好複雜，所以提你預早諗定點答.....

又利申
類似情況.....答左「係」，跟住過一排叫我唔好對佢咁好，唔想拍拖住，已讀不回咗我幾個月了.....真係好傷......

我覺得有機喎
佢琴日點過？

追下
就算衰左都有排先聖誕

單獨約出黎 約多2次都肯出
我覺得都幾大機會

女人心無咁易估到.....
有d女人明知你鐘意佢，仲夠膽同你單獨出黎行街睇戲食飯，上埋你屋企有咁曖昧得咁曖昧，你以為佢比晒暗示你，應該得米啦.....
最後話從來對你無感覺.....
派張好人卡收你皮....

都係果句：
太過認真，隨時跌得好痛.....
保持平常心，得到嘅，會特別開心；跌倒嘅，都無跌得咁痛

希望你順利啦.....因為跌倒真係好撚痛...

我都有諗過佢會咁問我
但以我性格應該會答唔係
佢有時會叫我做d白痴野，我扮去做，佢即刻話講下笑咋，你真係做嫁？

我同佢都各自約左自己d fd玩，所以冇搵佢，但我都有問下佢夜d過唔過黎,但佢話同班fd冇咁快走啦。

我就係諗緊過年約唔約佢，睇下佢反應如何，但想搵個進可攻，退可守既方法

其實我都係平常心，所以我會扮唔太上心

同事就唔好係到食係到屙 除非你地是旦一方唔會長做