「明珠評述孖寶」，亦稱「明珠爛GAG孖寶」、「明珠9 UP孖寶」，是指2008年北京奧運期間於無綫電視明珠台擔任賽事麗音粵語評述的石金華（又名石仔）及陳恩能（又名丹尼爾）。
上位經過
2008年北京奧運由無綫及亞視分別轉播，其中無綫在翡翠台、高清翡翠台及明珠台均設直播時段。由於明珠台出鏡主持人為英語評述，無綫安排廣東話於第二聲道播出，故此他們只是「有聲無樣」。
「明珠評述孖寶」經常由早上九時評述至晚上十一二時，期間他們只能抽空數次進食，故經常出現薯片聲或杯麵聲過大的問題
。由於明珠台非主要頻道，播出的賽事大部分都是悶得離譜或過份冷門，所以他們有大部分時間都不是評述該賽事，而是談論無關痛癢事情，例如講述自己過往事跡，期間經常出現一些含有「爛gag」及搞笑評述，於是有網民將他們的搞笑評述收錄及整理，並放上香港討論區及高登等討論區公諸同好。2008年9月3日，《明報》刊登了明珠評述孖寶的專訪。專訪提到，「在網民當道的新世代中，他們紅了」。
2016年，由於丹尼爾於巴西採訪奧運，因此明珠台的巴西奧運粵語評述由石金華與翁金驊負責。
兩人簡介
陳恩能
據《信報》報道，陳恩能是香港運動員的經理人，負責一切與運動員的公關工作。兼職為於Stars Sport等收費電視擔任Formula One 旁述，拍檔為沈國成等，在Eurosport開台期間，陳恩能亦有評述如單車、足球等節目，嶄露頭角，直至擔任明珠台的粵語奧運評述才大放異彩。
石金華
「石仔」有多年執教足球隊經驗，並任職無綫電視體育組記者多年，於《球迷世界》一類節目擔任外勤採訪，亦曾採訪過多屆奧運及亞運。於1996年採訪阿特蘭大奧運會時，現場第一時間訪問奪得香港第一面金牌的李麗珊。其十多年旁述經驗，與陳恩能拍檔更是一絕。
網民反應
無語錄（節錄）
無語錄為明珠孖寶於北京奧運直播時所說的金句，一位無綫職員整理好所有金句後，於Facebook上拍攝該封面，並向其粉絲展示此份金句集的相片。（以下內容為收集網上流傳之各金句，再加以修改錯別字及增補資料而成，當中未必完全與該無綫職員整理的相同。）
石金華：石
陳恩能：丹
翁金驊：翁（偶有客串）
黃興桂：黃（偶有客串）
1.石：韓國選手正準備抓舉時…嘩！你睇吓佢隻小腿同大腿一樣咁粗架！
2.石：呢位選手出場試舉，又係呢個快舉手呀，果然係快舉手，名都未報已經舉唔倒番緊入休息室。
丹：下？番左入去喇？仲報唔報佢名呀？…報啦！
3.石：再次出場試舉，快舉手…
石︰快啲講啦！唔係又趕唔切…
丹︰係！莎諾娃！莎諾娃！…
4. 石：嘩！（唔記得名）佢開個個205km既發球！我想試下比佢開一球波打落我心口度，唔知會有咩感覺…
翁︰我都唔知，因為我唔會走去試！
5. 丹：有拿度，無難度呀！
6. 丹：高比仔，高比仔，叫叫下佢都成三十歲，就來要改口叫佢高比佬。
7. 丹︰好彩呢位拳手贏左，如果唔係返更衣室將會同保安再來另一場拳賽。
8. 石：泰國既舉重選手喎，打泰拳舉手係代表投降喎！
丹：所以咪好彩佢係舉重，唔係打泰拳囉。
9. 石：頂…頂…頂…頂…頂住唔好跌呀！
丹︰好彩你後尾加個住字！
10.丹：拳擊係少數唔比職業選手參加既項目，如果比既話泰臣應該無人打得低佢。
石︰但係奧運拳擊戴住頭套喎，泰臣咪無得使出佢既必殺咬耳仔？
丹︰咁咪咬鼻哥囉！
11.丹：加素爾對姚明…霸皇硬上弓呀！
12.石：你估菲比斯會唔會變崩牙仔？佢囉一次金牌就咬一咬，囉八面咪咬八咬？
13.石：你唔踢波就做波牛，咁唔通你唔游水做水牛咩…
14.石：真係爆陰毒，踏單車到去尾段先整條咁既暗斜，佢真係恨不得退出比賽，求其有野就攤落去！
15.石：人既一生得三萬幾日，訓覺就訓左一萬幾日…咁樣仲嘥時間係食野度！不如唔好食啦…
丹：但係你唔食野我驚你過唔到果二萬幾日。
16.石：我地一盤冷水潑落拿度果度，網球場既炎熱天氣都顯得特別冷…
17.石：哎呀，拿度呢球矮仔放得太高喇…
丹:係呀，係一球好高既矮仔…
18.丹：大威用左九分鐘己經三比零，只係三個杯麵既時間！
19.石︰大威既肌肉真係好似隻馬咁！
丹︰點解咁睇呢？
石︰我睇馬術知架，大威d肌肉結實又立立令，真係好似隻馬。
20.石︰李娜我地支持你。
丹︰你有邊個唔支持架其實？
石︰中國球手我個個都支持！
