分手時請不要祝福我！因為前度既祝福 等於愛情上既諷刺

每當一對情侶分手既時候，其中一方好鍾意講 希望你會搵到一個比我更好既女仔，其實對於一啲對段感情好重視既男仔黎講，真係好諷刺！其實無論女方係一個外在內在都咁美既人或其中一樣，我地男仔當時心中就只有你一個。係我地好鍾意望靚女或身材好既女仔，咁你地鍾意韓仔個啲就得🤦🏻‍♂️我地睇女都唔代表我地唔專一既
個人經歷：
無錯，可能我地關係出現問題，例如：熱戀期過左、自己脾氣愈來愈差！但點解唔可以好好坐低和平傾下？一下子就要話分手😞 你又何嘗係我地角度諗下，我地時間大部分都比左學業 ，剩低既都接近七成比左你，個三成我都係想休息一下減下壓，但點可以因爲咁就話我唔愛你呢😔 朋友已經開始疏遠我，都只因我重色輕友。
去到你提出分手個時，我地爭論左好耐，仍然糾纏緊，但每次你突然自己諗諗下野或者啲朋友同你講啲道理，你就成日話不如叫我算啦！我地都係冇可能！
喂！大佬啊！雖然我地呢啲追求者冇主導權加上係自己處理得差導致分手，但你都唔好咁易就改變諗法，我努力咁改陋習，大家都有目共睹，但你就一直咁，我地都會灰啦！仲有送一句下個會更好，講真一句，如果我唔會真係鍾意你，我又點會願意改，甚至比人話做狗做你既工具，對於我地黎講真係好大侮辱架。搵個下一個，你估個個男人真係咁賤咩？見一個愛一個，男人就唔可以專一既！

你想我點樣我都做，但點解你會咁呢？變到完全唔認識你

只想同你講
分手雖然係我造成，但唔證明我唔愛你，如果你最後決定分手，請你唔好祝福我！因為你既祝福只會令到我更難受！
情人節就黎到，我諗今年我都冇機會陪你過😔但希望你有一日會明白 我真係真係好愛你



第一次開post
🙏🏻🙏🏻🙏🏻

咪同得閒飲茶咁上下性質
你估真係真心祝福你咩

算啦一句啫

明明係女方頂你唔順先分手
講到自己大情聖咁既
你肯改人地老奉要忍到你改到為止架？

祝福聲想你都聽到

分左手 專唔專一都無意思
女人可以突然間同你講佢忍左好耐 頂唔順而死心 但可能你唔知發生緊咩事 死左心就好狠心架啦

決心分手就變左另一個人咁

咁我又唔係咁既意思
我純粹係話自己仲鍾意個女仔，而佢咁講好難受姐