依家既高登真係成個死場咁

真係死左 ?

變係香港人一路都變緊
人會大 細路會精
每一代都多咗啲大陸文化入侵
高登到連登係一下觸發既變化

好快 過多兩年 連登就會高質好多

其實商業化先係最大影響
以下純粹個人感受，非嚴謹學術討論:

根本係成個internet個大環境變咗，唔止兩登唔止香港
全世界都面對緊呢樣嘢

未係咁商業化之前個網絡世界同而家真係差好遠
玩newsgroup、玩bbs、玩irc、玩forum嘅時候
真係feel到你同世界上另一個素未謀面嘅人連接緊、交流緊
有嗰種community嘅感覺，feel到幾乎無束縛好自由

而唔係好似而家咁，單向信息轟炸取代晒雙向交流
一打開browser就俾人不斷質啲資訊去你面前
由唔同團體試圖影響，甚至控制你睇啲乜聽啲乜信啲買啲乜
每個用戶嘅存在都被矮化到微不足道嘅程度
嗰種無力感同壓逼感咁好似夾硬將你拉返嚟現實世界咁
有經歷過嘅人應該明我嘅感受

交流模式問題之外，internet對用戶，尤其係post-internet一代嘅行為影響都好深
attention span就係其中一個例子，受fb ig twitter之類social network影響之深顯而易見
而為咗迎合用戶internet嘅變化更加不斷加速
個positive feedback根本已經去到無可挽回嘅地步

80後同早期嘅90後可以話係經歷咗internet最輝煌嘅時代
隨住政府同商家對internet控制程度愈嚟愈高，internet根本已經無可能返返去以前咁
唯有寄望有世之年tor同i2p之類project多啲人正確認識同推廣到
係佢地先有嗰種old internet嘅感覺

幾同意你既講法，一代一代咁變法，一代既變化差異已經可好大，就好似我90尾班車，可能我認識既00後比較少，隨住網絡形式既快速發展，佢地接觸咩都好容易，基本上佢地好易接觸到18禁既野，而我身邊既00既人都係成日會有性習慣，另一方面，價值觀，我識個D00後都有D特徵（5仲意聽政治，與世無爭，無自己獨立既一套批判思想，成日網上交友 etc）。
不過5只呢個時代，個個時代都係用色情，暴力，娛樂去吸引人地去睇。

咩叫5鐘意/5只係？？

依家嘅連登根本就係繼承16年嘅高登
衰果方面繼續衰落去
但啲創意同搞笑嘢又繼承唔到

屌 打完先睇到你呢篇
諗法同你一模一樣，講晒我想講嘅嘢
估唔到第一代internet user竟然就係見證住佢末落嘅一代
最恐佈係睇住internet調返轉頭改變埋日常生活
當初點會估到一個交流信息嘅方法會對成個社會有咁大影響

可能係我認識既00後係咁 我同佢地講政治野個陣可能5係同一層面 佢地會同我講埋D類似通識既野 當係回應左。不過點講都好，社會會變，即使5同年代都一樣係會受住教育，環境，社會影響住。

5你老母

一句講曬，林早洩皇天擊殺落地獄

你呢種回應合符連登模範，下下老母前老母後，但係5知你想做乜尻。

08小隊都過左10年啦

可以咁講,2008年其實真係一個轉捩點黎,當年08小隊係真心膠,但呢個真心膠時代過左之後真係小學雞化得好緊要

以前高登改圖有point,鳩得黎到肉,要高質討論都係有,認真問都會有人認真答

至於兩邊互片既post都係存在,但點都比宜家有建設性得多

我仲好記得當年dr.v. 開左個board比巴絲問症

試問宜家呢個連登,問下症都又rip又盛

改圖又低質,一大堆人講野又冇point,淨係識鳩up

個生態再係咁落去真係會玩完

到時唔好走黎喊,話咩好懷念以前上forum,根本就係班低質人士一手造成

巴打，好學術性既解釋
理論上解釋到連登一班 attention seeker 既行為

間唔中返去就發現差好遠 連登會員真係大多小學雞連邏輯都欠奉

唔知係咪真係97後出世
但連登似係有一班社會垃圾聚集係度，一有機會就發表反社會/仇恨言論

學上面咁多位話齋，而家全個世界都講求即食，小學雞愈嚟愈多係無可避免，唔再理會論點攻破，而集中爆炸性話題，是可悲矣

以前高登潮文，一出完，即刻多國語言版、文言文、火星5P乜都有，而家連登有無一篇真係談得上潮文？

真係原高登討論區既用家 好多都四十出頭 邊度仲有時間上去吹水
依家連登真係揀黎睇

每代都會有反社會言論，睇下邊代壓力勁D，同埋個社會性質慢慢現形就會有愈來愈多呢D言論。

學術台真係多得嗰班中學雞唔少
全撚部都係啲補習post
再唔係就係御理啲on9 post

FB搶咗討論區唔少人流

有人話FB中年人用多，後生仔唔玩 但討論區咪一樣，根本客源一樣。


依家香討反而keep到唔少人，好過高登，真係唏噓。