[MVP防護罩] 龍珠-超 Dragon Ball Super 第127話

又未算同悟空比達同級既，係屈無限氣姐

不過都係勁得過份左Ｄ

無人答到

笑
你所謂依加全部唔合理既野
都係鳥山明自己變到咁
超 一定垃圾過GT

Gt既大家覺得唔合理
最後有大部分都係超出現
咁究竟係超跟住gt錯
定超同gt根本無錯？
例如 悟空比達圍毆同一個敵人 ，17號變到好勁，

邊忽有趣

有趣方面
超的確係比gt有趣
Gt前期搵龍珠真係有少少悶

GT:
-黑星龍珠本身已經係bug
-前期搵龍珠過程太on9, 強行弱化悟空製造假緊張感拖戲
-無限弱化其他人淨係悟空比達有戰鬥力
-將斯路菲利變成搞笑角色

超:
-爛作畫
-將悟空變弱智
-比魯斯出現令戰鬥力提升到神水平, 但係其他角色竟然可以平分秋色 e.g. 17號, 希特
-無限體力, 重傷滿血無限loop
-on9劇情, 中二病扎馬斯, on9仔悟空, 全王



GT起碼我都有好歌聽同靚作畫睇

GT既歌同bgm真係神級 依家聽到都起雞皮

最尾打一星龍後悟空得返件衫 比達知佢死左叫呀包保管住

其實gt結局幾好

龍波超最大敗點 就係吉連

吹到咁大 以為佢經歷過d咩咁慘 又係老土死全家

然後佢點解咁勁又冇原因

前面佢好cool 唔講野 最近呢幾集變左串過馬撚

我最低限度都起碼作畫要正常，已經唔要求靚，但呢樣野龍珠超都做唔到。

何況劇情？劇情已經垃鳩圾連作畫都垃圾，我對龍珠超已經係睇個情懷唔係睇佢有趣，幾乎真係每一集都不段傷害緊龍珠Fans嘅心，每一集我都會希望鳥山明真係唔好再破壞龍珠係我心目中嘅形象，結果低處未算低，一集比一集差。

戰鬥力失平衡我覺得嚴重過GT好多，起碼人地冇神級得超4，而超4普遍啲人都唔會同佢打得過，但係龍珠超，無限可以頂到超藍一個波，17號可以突然勁撚到直情同超藍平等，無限可以打贏悟飯，我真係接受唔到，以前無論GT定Z都分得好清楚地球人就係地球人始終有極限，而撒亞人係一個戰鬥民族嘅外星人，點可能17號會好打到咁，當然你可以話悟空放水無限先接到個波，但17呢個真係Bug，加上扎馬斯個黑悟空篇好話唔好聽根本就係爛尾，我到依家都分唔清啲時空點搞，吉連又係，個回憶老撚套到閪，邊撚個唔係咁樣變強？GT打一星龍都起碼有講個起源係點嚟，到宇宙武道大會已經係暴走啲劇情，第一樣野我明白佢唔想全撒亞人Team但都唔係搵撚埋啲二打六幫手打架，屌你老尾天津飯，無限，龜仙人呢啲濕鳩當年打布歐都比布歐秒殺變朱古力啦，何來今次咁嚴重完全唔係布歐嘅Lv但有機會比佢地玩，我真係想佢三個換做斯路布歐同菲利，同台演出仲撚好睇。

人地GT雖然都係失平衡但起碼我認為個故事有創意同合理，話啲人太過濫用龍珠呢個Idea我覺得係好好。

講Idea其實超同GT都係唔差
但係最尾個成品真係…

BTW戰力失衡跟本唔係GT同超既錯，一開始Z就唔應該升得咁撚過份，所以戰力問題最ON9應該係Z,佢嗰啲先係真正既「失衡」

如果你係想要好睇既龍珠
應該要期待佢比哂豐太郎…

豐太郎我好明白佢係有心想寫好龍珠，佢漫畫其實我覺得佢都已經幫動畫兜到淋漓盡致，我睇得出佢係救緊劇情，但係可惜動畫劇情暴走得太犀利而又要跟住動畫個方向行，所以漫畫都變到唔合理我覺得唔係佢嘅錯，我覺得豐太郎已經做得好好，係真係動畫組嘅錯，如果有一日鳥山明比哂所有野豐太郎搞一套龍珠，我絕對會睇，因為我知道佢係有心搞好龍珠。

https://youtu.be/2RvOuq6UW00

個廣告

新莊子把聲...

都扮得幾似

超 真係吹得太大太快 有比魯斯喺度 已經變到有敵人都毫無緊張感 又咁快走個全王出黎 吉蓮又話勁過破壞神 咁打完吉蓮仲有幾多空間寫落去呢?
如果大會完左就咁停左喺度嘅話 就更加係不知所謂 GT都好過佢九條街 起碼GT個尾收得靚