沈陣營第一百零八期 － 振盈勝AI，牛熊不分界

上香\|/

上香\|/

2千 ? 之前冇左幾萬張

比2舊水抽中先諗，唔係咁易中，用2個角度睇，自住與投資

得一層，叫做自用，最起碼唔使玩富戶政策，咁上吓就抽查，另外改善咗居住環境，叫做家有恆產

除非短期內移民永不回頭，唔係買一間屋自用正常不過，居屋最好，房署擔保，供唔掂可以賣返比佢

銀行好求其嘅壓力測試，不過供25年同埋P按，會貴小小，老實講你托條柒行入銀行，無厘頭信你幾球

係咪應該佢驚過你先啱?

投資角度嚟睇，用綠表供比5%首期，即係廿倍槓桿，假設500萬居屋，比25萬首期，其他費用唔計

樓價當2年升1成，550萬，即係每年贏1倍，贏埋市值租金，供落去有本金，當1萬租1個月，4000係本金

6000係息咁計，租金係6折，算係強迫儲蓄，交租係消費，收租佬多謝晒

如果唔升，2年後倒跌1成，只要冇斷供銀行唔會call loan，證券行你倉入面係孖展，call loan還唔到就斬倉

息口高到癲，樓按就算居屋都係2.25厘，可以坐貨等升，每年通貨膨脹實際可能係3-4%，去銀行借錢

佢津貼緊你，樓係半商品半投資，會反映通貨膨脹落樓價，長期嚟睇，以無限嘅銀紙vs有限嘅土地

賭香港經濟唔會變底特律，贏面高，供樓捱過咗頭五年，就脫離危險期，另外供樓本金越嚟越多，儲到嘅越嚟越多

居屋仲有一樣靈活之處，樓價高唔補地價，樓價低時贖埋地價嗰3成，完整產權，樓價升可以加按炒股/投資/開二

呢樣係asset，英國皇帝都唔鍾意投資樓，最近都買咗，作為最後asset防線，唔同配置

樓市嘅周期同股市唔同，參與者風格唔同，樓市嘅浪較少，股市十個浪樓市先一個，咁你話捱十個浪易死定捱過一個浪機會高?

樓市參與者善價而沽、每間屋唔一樣，座向、樓層、裝修獨一無二嘅，賣一間少一間，股票張張一樣，名唔同啫

可以上午買下午賣，再買嘅一樣，只係股價唔同，股票虛擬嘅，可以無限發行，高位配股，樓唔得

我將層自由市場買返嚟住嘅居屋賣走，買入時2012年9月，200萬，賣走時2017年5月，430萬

如果以9按當時係20萬首期，息口由H+1.7落到H+1.28，仲有樓價1.5%回贈，每2年轉按一次

嗰度又幫你做失業緩沖金4個月，有高息戶口，比你嘅息口同你供嘅一樣，實際借貸年利息唔夠1厘

以樓市槓桿睇，投入咗20個之後5年唔到賺2球3，除咗量子呢類特殊例子，有幾多個人幾年贏到十幾倍?

股市已經出咗15年大時代之後嘅熊市，死唔死未知數，我完全冇操作過，一樣照炒股，一樣去返工旅行

依家股市唔知係咪嚟緊第二個浪，樓市仲未見到，係咪浪越少越難死

買樓最大心魔係面對30年按揭，個個驚供唔掂，All in or nothing，其實30年按揭正如股神講

係一個非常好嘅工具，比業主做一個one way bet嘅玩法，假設供咗5年，息口升到4厘(fed最盡加3厘)嘅可以選擇贖樓，唔使比貴利

只要呢5年搵多啲錢，贖唔到都可以贖部份

如果能力之內計得掂數買得起，買，唔好諗，唔好諗住市跌入貨，食盡波幅，永遠唔知幾時幅度幾多，貨幣購買力每日減少，只要繼續升多幾年，

相同嘅銀紙買細咗尺數，遠咗嘅地點，就算幾年後跌咗，如交市值租金已經消化晒跌幅，冇著數嘅，仲要面對加租搬屋

我自己有樓、珠寶玉石、股票、現金同外幣唔同配置，以上我個人睇法，唔一定啱，只供參考

講得好詳盡
白表希望中

\|/

好詳盡, 可惜有排都冇能力買到

實有機會嘅，唔灰心就得，樓市一樣有浪，最緊要準備，16年就係浪底調整1成幾，嗰時揸住50個喺大西北9按買到

嘉湖山莊290-330 2房，如果自由市場居屋仲平啲𠻹

樓王 你建唔建議大學生抽居屋 ,再唔抽白表我冇可能靠自己買到樓

比2舊水抽中先諗買唔買未遲，咁低成本，緊係照抽

樓王 好詳盡 獲益良多

點解綠色架

樓王講得好啱，你用自住嚟諗，根本無可能輸，何況居屋算平，放又最多只需要補地價，根本雙贏
我諗住抽，不過抽唔抽到一回事

唔補都得嘅，有第二市場，比公屋嘅人買，又或者由買家補地價

毒撚老咗可以逆按揭，或者賣咗佢去泰國退休居住，52歲可以申請，日日芭提雅攬住件泰妹，好似冬蔭妹咁上下質素，加埋強積金咁夠使有凸，300萬泰幣穿當地銀行就得，繼續上網炒股等師父比錢使，完全合法

睇完樓王篇千字文好撚滾動

\|/

起身一睇老美