沈陣營第一百零三期 － 只要有信念，生死走一回

人稱「沈大師」的訊匯證券行政總裁沈振盈一直睇淡後市，果然，港股今日出現「沈判日」，大市暴瀉。

正當戰友欲哭無淚，牛仔屍橫遍野之際，網絡流傳一段沈大師錄音：

「有時我真係唔想講唔得嘅，（啲人）成日話畀你聽，揸住錢冇用呀，揸住錢係一世捱窮，一世揸兜呀，冇發達呀，揸住現金一世揸兜呀。呢啲唔係人講嘅說話，係畜牲講嘅說話！你根本就推緊人去死！你炒得叻又如何，你肯定你唔會輸？呢啲咁嘅說話，你會害咗好多人，所以我一定要堅持，叫人唔好入市！」

沈大師指，此段錄音來自數星期前，其網台節目《錢錢錢打到嚟》。原來大沈判判辭早已預備！

對於沈大師咁睇，本報都問過黃國英睇法，但可惜黃國英聽完聲帶後，暫時未回覆啦。

蘋果財經，關心你飯碗
http://fb.com/appledailyatm

師傅掌番英國王咀

英國皇帝十年前輸喺師父手上，十年後依然贏

師父最利害之處係賭錢賭一舖，正所謂得就得唔得食忽得，英國皇帝客戶輸到甩轆

紛紛贖返基金轉去師父匯訊管理，呢次佢食硬忽得都得喇

直頭好似發哥喺賭神入面咁，十鋪都pass,一鋪疴煙就收英國王皮，係精神嘅!!!