【倒及JJ】想問下做正顎手術既途徑

我以家20歲，有明顯下巴突哂出黎既問題。一路有keep住去洗牙，牙醫有話過我有倒及，但都沒傾過點去改善，但以家意識到唔可以一直有呢個問題。因為發s,d音等等係完全發唔到；咬合方面，門牙完全做唔到撕爛食物既功能。合埋上下顎牙齒，門牙距離有差唔多5mm。

所以想問下做左或等緊做正顎手術既巴絲們，最開頭係點樣開始踏上正顎之路的？

幫推
利伸:倒及

我明呀你感受呀

倒及 +1

又係想但踏唔上正顎之路？

你倒及幾多?

我上下牙最盡可以合埋

照完倒及左2MM

有錢 > 口腔頜面外科 > refer cool牙 > 手術 > 再cool
成個過程350k上下

無錢 > refer 菲臘牙科/公營醫院 ，不過cool牙都係自己比

要手術又封口

我合埋之後係5mm呀！！！！ 可以跌隻烏蠅入去…

想知檢查下要幾錢到

無錢既第二步可以去邊度搵人幫手refer，我就係停左係呢步，踏唔上正顎之路

去菲臘學科醫院倒塌咁早排隊預診，大概玩半日。然後如果病情合乎教學用途就會收你。

以你情況20歲，骨骼可能未生定仲有生長可能，就算而家做完但顎骨之後繼續生都無用
所以醫院會monitor你嘅生長情況，到生定就安排同你做手術

做左成3年-4年到

做完手術可以發音正常，可以用門牙撕開食物，封一陣口都唔緊要啦 其實最緊要係可以打開個口笑

分左上下顎去做？

我本身排期去公營醫院查

有啦有啦
唔該哂巴打既資訊

點解無啦啦去到排期？睇街症？

冇得露齒笑呢個真係

倒及10mm岩岩做完上下顎留名

好輕微嘅倒及好似箍牙可以搞掂 ？

非也
初中嗰陣洗牙 醫生見我倒及就寫咗信去醫院排

照完之後話要等起碼21歲後
不過我過左21都仲未做

細細個就覺得自己個嘴好樣衰

有錢既話可以去韓國整正顎，佢地會考慮埋點切個樣先靚，而且韓國好多人都有倒及佢地做慣呢隻手術
係香港公立醫院整就真係住院費之外唔洗出錢，真係有手術需要既話你個牙醫會幫你寫信去排期，但等幾年先得
係邊做手術都好都係一定要配合箍牙既
如果唔係好嚴重唔建議你做手術，因為呢個手術會分開你啲骨同皮黎切你啲顎骨，所以術後會有鼻變寛、人中變長同啲皮下垂既情況出現(塊皮冇野痴住)，要等半年至一年你塊面先會完全消腫同啲皮痴返上去，你塊面其實有1mm改變望落去都會好大分別