[An]寫左隻android新聞app,方便速讀新聞同各類資訊

有用開feedly,平時返工收工搭車果啲時間都會開嚟睇，吸收資訊，呢類app對我嚟講好有用
岩岩好開心見到巴打個app，試用左陣，但目前睇嚟，巴打個app都係唔及feedly，我講下原因

feedly個設計係，佢同一版加載左5篇新聞咁先算，跟住你向上掃就會再畀多五篇嘢你
佢好用嘅地方，一，你掃走左果5篇嘢佢會紀錄為seen，你下次再開佢就唔會再show出嚟；反觀巴打個app有好大嘅缺失，你掃完一啲冇興趣嘅topic，你下次開app又係見返佢地，要喺一大堆你冇興趣嘅topic入面慢慢又要拉落下搵你未睇過嘅嘢，費時失神，用得呢類app都係想喺好短嘅時間瀏覽資訊，睇自己感興趣嘅消息，但個app咁嘅設計係致命傷

二，正因為巴打個app係一大堆topic同時放喺張list到，而又唔會刪走你唔感興趣嘅topic，所以張list非常長，導致load得好慢
我試過開左港聞版，向下拉refresh一次，嘩，不得了，load左起碼三十秒，實際要用幾耐我唔知，因為我冇耐性等落去了


另外，唔知係咪某啲rss source嘅問題，
喺個app淨係睇到頭幾句，想睇落去都係要㩒入去佢個網
例如信報、晴報等(其他未得閒試，唔代表冇咁嘅情況)
可以做到，喺個app到睇哂全文，方便閱讀嗎？


上面好似見話有廣告？我自己試又冇見到有喎，可能你改版整走左？我覺得呢類app整廣告唔多好，因為我想睇資料，你畀廣告我睇好礙眼
我明白你付出咁多努力無非都想有少少利潤，賺錢亦無可厚非
但好老實講，no offense but honestly,人地feedly好用又好用過你，又全無廣告，免費使用，你叫我畀錢或者睇廣告都要用，除左係話要支持巴打，我搵唔到理由


我只係試用左好短時間，有咩嘢講錯左唔好介意，希望可以有所改善，如果出左買斷式無廣告，我都願意出錢支持嘅

感謝巴打既建議先

1. 將會加返係新聞列表scroll走新聞會標做已讀

2. 巴打要禁入新聞list之後要load幾耐先出到條list?
係新聞list度refresh只會開兩條thread下載新聞,而下載速度要睇返人地個site同部電話既網速,所以會比較慢,feedly將啲新聞store左係自己server,而且佢個server好穩定,所以好快就下載哂啲新聞
暫時建議係feed list度refresh,果度會開5條thread下載新聞,而且離開隻app都會繼續下載
新聞list refresh功能會再優化

3. 遲啲應該會有類似safari既reader mode

而家有廣告,遲啲會出返付費版移除廣告,同用到更多功能
btw 巴打睇唔睇到lihkg既廣告?

希望完善左之後,巴打會用隻app